Microsoft Word togaymurod otamdan qolgan dalalar lotin ziyouz com doc

5
Dorilanmish g‘o‘za tag‘in qaytib ko‘sak tugmaydi. Yomondan-yomon— dori bor ko‘saklarni-da 
qovurib-qovurib tashlaydi. 
 
6 
Men ko‘saklarim mo‘l-ko‘l ochilishini qaradim. Nihoyat — oltmish foiz ko‘sagim ochilib bo‘ldi. 
7
Tong saharda traktor ketiga o‘n to‘rtinchi to‘rt-burchak uskuna taqdim. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
117
Uskunada ikkita yum-yumaloq idish bo‘ldi. 
Men har idishga yuz ellik kilo-yuz ellik kilodan uch yuz kilo dori soldim. 
Dorilashdan oldin sut ichib olishim qarz ham farz bo‘ldi. 
Molimiz illa bir kadi sut beradi — shuni-da men ichib olsam, bolalar nimani ichadi? 
Men sut o‘rnida yaxday suv ichib oldim. 
Korjoma kiydim. Ko‘zoynak taqdim. Og‘iz-burnimga zaharniqob taqdim. Qo‘lqop kiydim. 
Traktor kabinasini mahkamlab-mahkamlab yopdim. 
Traktorni birinchi tezlikda haydadim. 
Men saharmardonda dalalarimga zahar berdim. 
Men tonglay-tonglay dalalarimni zaharladim. 
Purkagich nasoslarni o‘nglab-o‘nglab dala zaharladim. 
Purkagichlar birvarakay yigirma-yigirma to‘rt egatga sariq-sariq zahar purkadi. 
Silindrni oltinchi raqamga qo‘yib-qo‘yib dala zaharladim. 
Nasos bosimini oshirib-oshirib dala zaharladim. 
Men bir gektar dalamga to‘rt kilo qo‘lansadan-qo‘lansa zahar berdim. Achchiqdan-achchiq zahar 
berdim. 
8
Tong to‘rkadi. 
Bobotog‘ uzra kun shafaqlandi. Tong-tong shudringlar ol-ol shafaqlarda ketdi. Men dala 
zaharlashdan tiyila qoldim — beshudring barg zaharni tan olmaydi! 
9 
Kun olis boshim aylandi. 
Kun olis ko‘zim yoshlandi. 
Kun olis ichak-qornim tomog‘imda bo‘ldi. 
G‘arra-g‘arra qusishdan armonim qolmadi. 
10 
Salqintob-salqintob oqshom qo‘ndi. Men tag‘in dala zaharladim. G‘o‘zalarim tusi o‘chdi. 
G‘o‘zalarim sal-sariq bo‘ldi. G‘o‘zalarim entikdi. G‘o‘zalarim hansiradi. 
11 
Butifos barg qovjiratib-barg qovjiratib tashladi. Butifos barg qovurib-barg qovurib tashladi. 
Butifos chala-chala barg to‘kib boshladi. 
Butifosda bor-yo‘g‘i bitta xosiyat bo‘ldi — butifos xom ko‘sakka ziyon bermadi. 
Xom ko‘sak bodrab-bodrab ochila berdi.