Microsoft Word Р. Расулов дарслик. Doc

Topshiriq.
Matnni o‘qing. Uning yuzasidan savol-javob qiling. 
Matn mazmunini so‘zlab berishga tayyorlaning 
YUNUS RAJABIY 
Yunus Rajabiy O‘zbekistonda maqom maktabini yaratgan
madaniyat arbobidir. 1940-41-yillarda Moskvada bastakorlar kurslarida
o‘qib yurganida u Yevropa mumtoz musiqasi, klassik bastakorlar ijodi 
bilan tanishdi. 
Yunus Rajabiy atoqli madaniyat arboblari domla Halim Ibodov, 
Xoji Abdulaziz Rasulov, Shorahim Shoumarov, Mulla To‘yshi 
Toshmuhammedovlardan maqomlar o‘rgandi. 
Yunus Rajabiy “Farhod va Shirin”, “Layli va Majnun”, “Xolisxon” 
kabi spektakllarga xalq ashulalari asosida kuylar yaratdi. 
“Bayot”, “Girya”, “Dugoh Husayniy”, “Ko‘cha bog‘i” kabi
ashulalarni xalqimiz Yunus Rajabiy tufayli sevib qolgan. 

---

119 
Bastakor 1930- yillardayoq xalq musiqasi namunalarini notaga
yozib olishga kirishgan, keyinroq ularni nashr eta boshlagan. “O‘zbek 
xalq muzikasi” kitobining I-V-jildlari Yunus Rajabiy yozib olgan
musiqa namunalaridan iborat. Unda Toshkent – Farg‘ona maqom yo‘li, 
Buxoro “Shosh maqomi” alohida o‘rin tutadi. 
O‘zbekiston xalq artisti, respublika Fanlar Akademiyasining
akademigi Yunus Rajabiy yaratgan taronalarni xalqimiz hanuz sevib
tinglaydi. 
Topshiriq.
Savollarga javob bering. 
1. O‘zbek bastakorlaridan kimlarni bilasiz? 2.Ularning qaysi
asarlarini bilasiz? 3. Zamonaviy ijrochilardan kimlarni sevib tinglaysiz? 
4. O‘zbek mumtoz ashulalarini eshitasizmi? 5. Ularning nomlarini
bilasizmi?
40- mashg‘ulot 
Suhbat
- Siz Navoiy g‘azallarini o‘qiganmisiz? 
- Ha, Navoiy ijodi bilan maktabda tanishganman. Ko‘p g‘azallarini
o‘qigan emasman. Ammo “Topmadim”, “O‘xshamas” kabi g‘azallarini
bilaman. 
- Navoiy yana qaysi janrlarda ijod qilgan? 
- Navoiy tuyuq, fard, mustazod kabi janrlarda qalam tebratgan. 
Yana u dostonlar ham yaratgan. Beshta dostondan iborat “Xamsa”
yaratgan. 
- “Xamsa”da qaysi dostonlar kirgan? 
- “Hayratul abror”, “Farhod va Shirin”, “Layli va Majnun”, “Sab’ai 
sayyor”, “Saddi Iskandariy” dostonlari Navoiy “Xamsa”sini tashkil etgan. 
- Navoiy asarlari qaysi tillarga tarjima qilingan? 
- Navoiy asarlari rus, fransuz, nemis, arab tillariga tarjima 
qilingan.