Fizikaning dolzarb masalalariga bag’ishlangan ilmiy amaliy anjuman materiallari bilan tanishish reja: O‘zbekiston Fanlar akademiyasining «Fizika-Quyosh»

FIZIKANING DOLZARB MASALALARIGA BAG’ISHLANGAN ILMIY AMALIY ANJUMAN MATERIALLARI BILAN TANISHISH
Reja:

1. 
   O‘zbekiston Fanlar akademiyasining «Fizika-Quyosh» ilmiy-ishlab chiqarish birlashmasi Fizika-texnika institutida Mirzo Ulug‘bek nomidagi O‘zbekiston Milliy universiteti bilan hamkorlikda fizika fanining fundamental va amaliy masalalariga bag‘ishlangan anjuman.
   
2. 
   

O‘zbekiston Fanlar akademiyasining «Fizika-Quyosh» ilmiy-ishlab chiqarish birlashmasi Fizika-texnika institutida Mirzo Ulug‘bek nomidagi O‘zbekiston Milliy universiteti bilan hamkorlikda fizika fanining fundamental va amaliy masalalariga bag‘ishlangan anjuman bo‘lib o‘tdi.
O‘zbekiston Fanlar akademiyasining «Fizika-Quyosh» ilmiy-ishlab chiqarish birlashmasi Fizika-texnika institutida Mirzo Ulug‘bek nomidagi O‘zbekiston Milliy universiteti bilan hamkorlikda fizika fanining fundamental va amaliy masalalariga bag‘ishlangan anjuman bo‘lib o‘tdi.

O‘zbekiston Fanlar akademiyasi prezidenti Sh.Solihov, Fizika-texnika instituti direktori S.Lutfullayev va boshqalar Prezidentimiz rahnamoligida fan va ishlab chiqarish hamkorligini mustahkamlash, fizik va texnik tarmoqlarni rivojlantirishga qaratilayotgan doimiy e’tibor barqaror o‘sishga erishish, ushbu sohalarda yoshlarning loyihalarini ommalashtirishda muhim omil bo‘layotganini ta’kidladi.

Istiqlol yillarida barcha fanlar qatori fizika sohasiga qaratilgan e’tibor natijasida olimlar tomonidan samarali natijalarga erishilmoqda.

Bu kabi sa’y-harakatlar ilm-fanni rivojlantirish bilan birga, iqtisodiy taraqqiyotga ham ijobiy ta’sir ko‘rsatmoqda.

Mamlakatimizda ilm-fan markazlarida qattiq jism nazariyasi, yuqori va o‘ta yuqori energiya va yarim o‘tkazgichlar fizikasi, shuningdek, quyosh energiyasini hosil qilish kabi muhim yo‘nalishlar bo‘yicha ilmiy tadqiqotlar olib borilmoqda. Mazkur yo‘nalishlar bo‘yicha ilmiy ixtirolar qilinib, nazariy va amaliy ishlanmalar yaratilayotir.

Yosh mutaxassislar tomonidan yaratilgan quyosh energiyasi yordamida meva-sabzavotlarni quritish, turli fotoelektrik qurilmalar, quyosh energiyasi yordamida ko‘cha va maydonlarni yoritish tizimlari, quyosh energiyasi yoki yoqilg‘ida ishlaydigan suv chiqarish vazifasini bajaruvchi, qishloq xo‘jaligida foydalanish uchun mo‘ljallangan moslamalar, organik chiqindilarni utilizatsiya qiladigan ekologik toza va foydali tarkibga ega biogaz qurilmalari shular jumlasidandir.

– Mustaqillik yillarida turli sohalar, xususan, ilm-fanda yangi fikr va g‘oyalarga ega, bir necha chet tilini biladigan hamda axborot-kommunikatsiya texnologiyalaridan unumli foydalanadigan avlod ulg‘aydi, – deydi Fizika-texnika instituti direktori o‘rinbosari Jasur Ahatov. – Ularning shijoati, tashabbuskorligi, mukammal g‘oyalarga egaligini dunyo mutaxassislari ham alohida e’tirof etayotir. Yosh olimlarimizning izlanishlari mamlakatimiz rivojiga hissa qo‘shishi shubhasiz. Anjumanda ana shunday mutaxassislarimizning tadqiqotlariga alohida e’tibor qaratildi.

Konferensiyada mamlakatimiz ilm-fanining bugungi rivoji, jahon sivilizatsiyasi, buyuk ajdodlarimizning ilmiy merosi, jamiyatimizni modernizatsiyalash va rivojlantirishni ta’minlaydiganfundamental tadqiqotlar, ilmiy-texnik dasturlar hamda innovatsion ishlanmalar kabi mavzularda ma’ruzalar tinglandi.