Microsoft Word O'quv qo'llanma

Kasbiy kompetentlik: 
Murakkab jarayonlar; noaniq vazifalarni bajarish, bir-biriga 
zid ma’lumotlardan foydalanish; kutilmagan vaziyatda harakat rejasiga ega bo‘la 
olishda yakka namoyon bo‘ladi.
Kasbiy kompetentsiyaga ega bo‘lajak o‘qituvchi:
-o‘z bilimlarini izchil boyitib boradi; 
-yangi axborotlarni o‘zlashtiradi; 
-davr talablarini chuqur anglash; 
-yangi bilimlarni izlab topadi; 
-ularni qayta ishlaydi hamda amaliy faoliyatda samarali qo‘llaydi. 
Oliy ta’lim muassasalari fizik ta’lim jarayoniga kompetentsiyaviy 
yondashuvni tadbiq etish orqali quyidagi vazifalarni amalga oshirishi kerak: 

---

218
davlatimizga kelgusida jamiyat, ishlab chiqarish va shaxsning mustaqil 
hayotidagi muammolarni hal etishga qodir yoshlarga bo‘lgan ijtimoiy ehtiyojni 
qondirish maqsadida bo‘lajak o‘qituvchilarninig o‘zlashtirgan bilim, ko‘nikma va 
malakalarini yangi kutilmagan vaziyatlarda ijodiy qo‘llashga o‘rgatish; 
fizika o‘qitish mazmunini muammoli o‘quv vaziyatlarini yaratish orqali 
o‘rganish asosida bo‘lajak fizika o‘qituchilarining fan asoslarini o‘rganishga 
bo‘lgan ehtiyojini qondirish, qiziqishlarini rivojlantirish, shaxsiy sifatlarini tarkib 
toptirish; 
bo‘lajak fizika o‘qituvchilarining o‘quv-bilish faoliyatini aniq fizik 
ob’ektlarga qaratish va mavjud muammolarni hal etishga o‘rgatish orqali DTS bilan 
me’yorlangan bilim, ko‘nikma va malakalarini shakllantirish barobarida talabalar 
tomonidan ijodiy faoliyat tajribalarini egallanishiga erishish; 
bo‘lajak fizika o‘qituvchilarini aniq amaliy faoliyatga tayyorligini orttirish 
orqali kasbga va ijodiy faoliyat tajribalarini rivojlantirish natijasida fan yo‘nalishiga 
yo‘llashdan iborat. 
Bo‘lajak fizika o‘qituvchilarining fizikadan kompetentligining shakllanishiga 
ta’sir etuvchi asosiy omillar quyidagilar: 
darsda kasbga yo‘naltirilgan masalalar, pedagogik vaziyatlar yaratish, 
yaratilgan motivatsiya axborot texnologiyalarni o‘zlashtirishga imkoniyat beradi; 
fizikada kompetentlikning shakllanish jarayonini tezlashtirish uchun 
ko‘rgazmali modellar, multimediya vositalari, internet resurslaridan foydalanib 
o‘qitish; 
innovatsiyon, pedagogik va axborot texnologiyalaridan foydalangan holda 
bo‘lajak fizika o‘qituvchilarini kasbiy kompetentligining tayyorligini hisobga olib, 
ijodiy layoqatni boshqarish. 
Kompetentsiyaviy yondashuvga asoslangan o‘qitishning asosiy mohiyati 
fizikada tashkil etilgan ta’lim-tarbiya jarayonida bo‘lajak fizik o‘qituvchilar 
tomonidan egallangan bilim, ko‘nikma va malakalarga o‘z shaxsiy faoliyatida, 
shuningdek, kelgusida kasbiy va ijtimoiy faoliyatda qo‘llay olish 
kompetentsiyalarini shakllantirishga yo‘naltirish sanaladi. 

---

219
Bo‘lajak fizika o‘qituvchilari kelgusi hayoti davomida shaxsiy, ijtimoiy, 
iqtisodiy va kasbiy munosabatlarga kirishish, jamiyatda o‘z o‘rnini egallash, 
mazkur jarayonda duch keladigan o‘z sohasi va kasbi bo‘yicha raqobatbardosh 
bo‘lishi uchun zarur bo‘lgan tayanch kompetentsiyalarga ega bo‘lishi lozim.
Ma’lumki, oliy ta’lim muassasalari zimmasiga ta’lim-tarbiya jarayoniga 
bo‘lajak fizika o‘qituvchilarida tayanch kompetentsiyalar, jumladan, 
kommunikativ, axborot bilan ishlay olish, shaxs sifatida o‘zini o‘zi rivojlantirish 
kompetentsiyasi, umumadaniy kompetentsiyalar, matemetik savodxonlik, fan va 
texnika yangiliklaridan xabardor bo‘lish hamda foydalanish kompetentsiyasidan 
tarkib toptirish vazifasi yuklatilgan. 
V. D. Shadrinov tadqiqotida bo‘lajak o‘qituvchilarning pedagogik 
faoliyatidagi muvaffaqiyatlari bazaviy kompetentsiyalarning o‘zaro bog‘liq 
ekanligi 87- rasmda ko‘rsatilgan.