Microsoft Word olmadan kompot tayyorlash va saqlash texnologiyasi doc

2.2. Olmalar sifatiga talablar
Tez pishar olma navlarining sifati GOST 16270-70 ga, kechpishar olma 
navlarining sifati esa GOST 21122-75 standarti talabiga javob berishi kerak. Bu 
Davlat standartlari talabi bo‘yicha tez pishar olmalar sifat ko‘rsatkichlari bo‘yicha 
1- va 2-tovar navlariga bo‘linsa, kech pishar olma navlari esa oliy, 1-, 2- va 3-tovar 
navlariga bo‘linadi. Olmalarni tovar navlariga ajratishda asosiy ko‘rsatkich 
tekshirish uchun namuna sifatida olingan olmalarning eng katta ko‘ndalang 
kesimining diametri hisoblanadi. Masalan, kechpishar olmalarning dumaloq shaklli 
oliy navida ko‘ndalang kesimining diametri 65 mm dan, 1-navida 60 mm dan, 2-
navida 50 mm dan, 3-navida esa 40 mm dan kam bo‘lmasligi talab etiladi. Bundan 
tashqari olmalarning sifatini belgilaydigan asosiy ko‘rsatkichlarga ularning tashqi 
ko‘rinishi, pishib yetilganlik darajasi, hidi, ta’mi kabi ko‘rsatkichlari kiradi. 
Chirigan, shishgan, eti qoraya boshlagan olmalar sotishga ruxsat etilmaydi. 
2.3. Tayyor mahsulotlar tavsifi 
Bu turdagi mahsulotlar deyarlik hamma meva va rezavor-mevalardan 
tayyorlanib, assortimenti xilma-xildir. Kompotlar bir turli xom ashyodan yoki bir 
necha tur mevalar aralashmasidan (assorti) tayyorlanishi mumkin. 
Kompot tayyorlash uchun meva saralanadi, yuviladi, blanshirovka qilinib 
bankalarga joylanadi, ustidan shakar qiyomi quyilib, sterilizatsiya qilinadi va qattiq 
qopqoq bilan yopib quyiladi. 

---

16
Sifat ko‘rsatkichlari bo‘yicha kompotlar oliy, 1- va oshxonabop navlarga 
bo‘linadi. Ularning sifatini aniqlashda mevaning katta-kichikligi, rangi, 
konsistensiyasi, ezilgan, yorilgan mevalar soni, hidi va ta’m ko‘rsatkichlariga 
alohida e’tibor beriladi. Kompotlarda sharbatning tarkibidagi quruq modda 
miqdori 13-30% ni, mevalar massasining butun kompot massasidagi miqdori esa 
45-60% ni tashkil etishi kerak.