Microsoft Word Қўнғироқлар устаси docx

ХУЛОСАЛАР! 
1. Мижозлар базасини юритиш вақтни тежайди, мижозларни сақлайди, даромад 
келтиради ва ишни оптималлаштиради. 
2. Илиқ қўнғироқ қайноқ қўнғироқдан қўнғироқ қилмоқчи бўлган мижоз билан 
танишмаслигммиз билан фарқланади, бироқ у компанияда аввал ким биландир 
мулоқотда бўлган, биз унинг исми ва тархини биламиз. 
3. База бўйича илиқ қўнғироқ 11 та босқични қамраб олади. 
4. Илиқ қўнғироққа тайёрланиш аввалдан керак бўладиган қуйидаги маълумотлардан 
ташкил топади: 
- Мижоз исмини билиш. 
- У билан аввал ишлаган менежерни билиш. 
- МБ ва мижоз сайтидан у тўғрисида маълумотни ўрганиш. 
- Унинг аввалги буюртмаларини ўрганиш. 
5. Илиқ қўнғироқларда “Ҳозир гаплашиш қулайми” саволини қўнғироқ мақсадини 
билишдан кейин, лекин айтишдан аввал беришингиз муҳим. 
6. “Қизиқувчанлик лимити” – вақт оралиғи суҳбат бошида 15 сонияга яқин. Бу вақтда 
мижоз қўшимча мотивацияларсиз мулоқотга киришишга тайёр бўлади. 
Машғулот. 32-топшириқ. “Ўзингиз” – маҳсулот, хизмат ва бизнес шакли остидаги 
база бўйича илиқ қўнғироқ скриптини тузатинг ва ёзинг, қўнғироқ мақсадини белгиланг: 
танишиш, янги маҳсулот бўйича маълумот бериш, туғилган кун билан табриклаш, салон 
(дўкон, офис)га таклиф қилиш, буюртма олиш ва ҳоказо. 
Асофадаги шеригингиз билан жуфтликда телефон орқали 33 марта такрорланг. 
Ишлагандан сўнг дам олинг, ўзингизни эркаланг: кафега, қизиқарли фильмга боринг, 
велосипед ёки роликда учинг. Ишингиз учун ўзингизни тақдирланг! 

---

27 БОБ. 
СОВУҚ ҚЎНҒИРОҚЛАРНИ АМАЛГА ОШИРИШ МОТИВАЦИЯСИНИНГ 
ЕТТИ САБАБИ 
Карлос Кастанеда айтганидек: “Ҳақиқий овчи унинг тузоғига албатта ўлжа тушишига 
ишонади”. 
Совуқ қўнғироқ – бизни билмайдиган, демак бизнинг қўнғироғимизни кутмаган ва биз 
билан ҳамкорликни режалаштирмаган мижозга маҳсулот, хизмат ва ғояларимизни сотиш учун 
муносабатлар ўрнатиш мақсадидаги чиқиш қўнғироқлари. Қўнғироқ давомида ва кейин нима 
юз беради – бу бошқа масала. 
Биз ҳар қандай киши ёки компанияни имконият деб аташга келишдик. Мулоқот 
давомида бевосита ёки билвосита биз билан ишлашга розилик берган кишини биз потенциал 
мижоз деб атаймиз. Биз билан шартнома имзолаган ҳар қандай потенциал мижозни эса – 
мижоз. 
Совуқ қўнғироқдан мақсад: 
- Максимум мақсад – аниқ вақтга учрашув белгилаш. Ёки агар биз мижоз билан 
умуман учрашмасак, кўчирилган ҳисоб (буюртма)га розилик олиш, кейинги алоқа 
тўғрисида таклиф бериш ва келишиш. 
- Минимум мақсад – аниқ вақтга қайта қўнғироққа розилик олиш 
Совуқ қўнғироқлар – бу ҳақиқий савдо! Баъзида уларни телемаркетинг, баъзан телефон 
орқали савдо деб ҳам аташади. Лекин уларни қандай аташмасин – бу доим маҳсулот, хизмат 
ёки ғоялар савдоси. 
Совуқ қўнғироқлар скриптига киришишдан аввал уларни амалга ошириш 
мотивациянгизни оширишнинг еттита сабабини қараб чиқишни таклиф қиламан.