Microsoft Word musnad abu hanifa ziyouz com doc

www.ziyouz.com
kutubxonasi 
45
(s.a.v.) sahobalariga buyurdilar, ular ham yeyishdi. Quyonni keltirgan kishiga:
- Nega sen o‘zing yemayapsan? - dedilar. 
- Men ro‘zadorman, - dedi haligi odam. 
- Qanaqa ro‘za tutgansan? - so‘radilar Rasuli akram (s.a.v.). 
- Nafl ro‘za. 
- Ayyyomi Biyzda (hijriy oylarning o‘rtalarida) ro‘za tutmaysanmi? - deya marhamat 
qildilar Rasululloh (s.a.v.)». 
203
Abu Hanifa (r.a.) Abdulloh ibn Umardan (r.a.) rivoyat qiladi. Ibn Umar (r.a.) aytdi: 
«Rasululloh (s.a.v.): «Bilol tunda azon aytadi. Ibn Maktum azon aytganicha yeb-ichingiz. 
Ibn Maktum namoz (vaqti)ning kirganida azon aytadi», dedilar». 
204
Abu Hanifa (r.a.) Abu Suvordan, (u Abu Suro deb ham nomlangan yoki u Sulamiydir), u 
Abu Hojibdan, u Ibn Abbosdan rivoyat qiladi. Ibn Abbos (r.a.) aytdi: «Rasululloh (s.a.v.) 
ro‘zador holda Kahota deyilgan joyda (Makka bilan Madina orasidagi makonda) qon 
oldirdilar».
Bir rivoyatda: «Rasululloh (s.a.v.) Kahota deyilgan joyda ro‘zador va ehromda 
bo‘lganlarida qon oldirdilar», deyiladi. 
Yana bir rivoyatda: «Nabiy (s.a.v.) qon oldirdilar va qon olgan kishiga uning haqini 
berdilar. Agar bu yomon bo‘lganda bermas edilar», deyilgan. 
205
Abu Hanifa (r.a.) Zuhriydan, u Anasdan (r.a.) rivoyat qiladi. Anas (r.a.) aytdi: «Hazrati 
Payg‘ambar (s.a.v.) ro‘zador ekanlar, qon oldirdilar». 
Bir rivoyatda Abu Hanifa (r.a.) dedi: «Menga Shihob Rasululloh (s.a.v.) ro‘zador holda 
qon oldirganlarini aytdi». 
Anasni sanadda zikr qilmadilar.
206
Abu Hanifa (r.a.) Abu Sufyondan rivoyat qiladi. Abu Sufyon (r.a.) aytadi: «Qon olgan va 
oldirgan ro‘zasini buzadi, degandan so‘ngra Nabiy (s.a.v.) qon oldirdilar». 
207
Abu Hanifa (r.a.) Hammod ibn Sulaymondan, u Ibrohimdan, u Asvaddan, u Oisha 
onamizdan (r.a.) rivoyat qiladi. Oisha onamiz (r.a.) aytdilar: «Hazrati Payg‘ambar 
(s.a.v.) junublikdan va qo‘shilishdan g‘usl qilib, boshlaridan suv tomib bomdod namoziga 
chiqar edilar». 
208
Abu Hanifa (r.a.) Atodan, u Oisha onamizdan (r.a.) rivoyat qiladi. Oisha onamiz (r.a.) 

---

Musnad. Imom A’zam Abu Hanifa 
www.ziyouz.com
kutubxonasi 
46
aytdilar: «Rasululloh (s.a.v.) junublikdan g‘usl qilib, boshlaridan suv tomib, bomdod 
namoziga chiqar edilar, so‘ng ro‘zador bo‘lardilar».
209
Abu Hanifa (r.a.) Atodan, u Oisha onamizdan (r.a.) rivoyat qiladi. Oisha onamiz (r.a.) 
dedilar: «Rasululloh (s.a.v.) tush ko‘rmay junub bo‘lib tong ottirardilar. Keyin ro‘zalarini 
oxiriga yetkazardilar». 
210
Abu Hanifa (r.a.) Sulaymon ibn Yasordan, u Ummu Salamadan rivoyat qiladi. Ummu 
Salama (r.a.) dedi: «Rasululloh (s.a.v.) boshlaridan suv tomchilab bomdod namoziga 
chiqardilar va ro‘zador bo‘lardilar».