Microsoft Word musnad abu hanifa ziyouz com doc

211
Abu Hanifa (r.a.) Ummu Salamadan (r.a.) rivoyat qiladi. Ummu Salama (r.a.) bunday 
deydi: «Nabiy (s.a.v.) ramazonda ayollarini o‘par edilar». 
212
Abu Hanifa (r.a.) Haysamdan, u Omir Sha’biydan, u Oisha onamizdan (r.a.) rivoyat 
qiladi Oisha onamiz (r.a.) aytdilar: «Nabiy (s.a.v.) ro‘zador bo‘lib, uning (Oisha 
onamizning (r.a.). - 
Tarj
.) yuzlariga tegardilar, ya’ni o‘par edilar».
213
Abu Hanifa (r.a.) Ziyoddan, u Amr ibn Maymundan, u Oisha onamizdan (r.a.) rivoyat 
qiladi. Oisha onamiz (r.a.) aytdilar: «Nabiy (s.a.v.) ro‘za bo‘lganlarida o‘par edilar». 
214
Abu Hanifa (r.a.) Haysam ibn Hubayb Sayrafiydan, u Anas ibn Molikdan (r.a.) rivoyat 
qiladi. Anas ibn Molik (r.a.) aytdilar: «Rasululloh (s.a.v.) ramazon oyidan ikki kecha 
o‘tganda Madinadan Makkaga yo‘lga chiqdilar. Qudayd degan joyga yetganlarida kishilar 
ro‘zaning qiyinligidan shikoyat etishdi. Rasululloh (s.a.v.) ro‘zalarini ochdilar va 
Madinaga kelgunga qadar ro‘za tutmadilar». 
215
Abu Hanifa (r.a.) Muslimdan rivoyat qiladilar: «Rasululloh (s.a.v.) ramazon oyida 
Makkaga borish uchun yo‘lga chiqdilar. Ro‘zador edilar. Odamlar ham ul zot bilan birga 
ro‘za tutishgan edi». 
Bir rivoyatda quyidagicha aytiladi: «Rasululloh (s.a.v.) Madinadan Makkaga ramazon 
oyida ro‘za tutib yo‘lga chiqdilar. Biroz yo‘l yurganlaridan so‘ng insonlar ro‘za 
mashaqqatidan shikoyat etishdi. Rasululloh (s.a.v.) ro‘zalarini ochdilar va Makkaga 
kelgungacha ro‘za tutmadilar». 
Yana bir rivoyatda quyidagicha keladi: «Rasululloh (s.a.v.) ramazon oyida Makkaga 

---

Musnad. Imom A’zam Abu Hanifa 
www.ziyouz.com
kutubxonasi 
47
borish uchun yo‘lga chiqdilar va ro‘za tutdilar. Sahobai kirom ham ro‘za tutdilar. Biroz 
yo‘l yurilgach, ba’zi musulmonlar ro‘za qiyinchiligidan shikoyat qildilar. Rasululloh 
(s.a.v.) suv so‘radilar va ro‘zalarini ochdilar. Musulmonlar ham ro‘zalarini ochdilar». 
216
Abu Hanifa (r.a.) Adiydan, u Abu Hozimdan, u Abu Sha’soiydan, u Abu Hurayradan (r.a.) 
rivoyat qiladi. Abu Hurayra (r.a.) aytdilar: «Nabiy (s.a.v.) visol ro‘zasi (iftor qilmay, 
peshma-pesh ro‘za tutishni) va sukut ro‘zasidan qaytardilar». Sukut ro‘zasi ibodat qasdi 
ila gapirmaslikdir. 
217
Abu Hanifa (r.a.) Shaybondan, u Yahyodan, u Muhojirdan, u Abu Hurayradan (r.a.) 
rivoyat qiladi. Abu Hurayra (r.a.) aytdilar: «Rasululloh (s.a.v.) sukut ro‘zasini va visol 
ro‘zasini ta’qiqladilar». 
218
Abu Hanifa (r.a.) Abdumalikdan, u Quza’adan, u Abu Saiddan (r.a.) rivoyat qiladi. Abu 
Said (r.a.) aytdi: «Rasululloh (s.a.v.) uch kun ro‘zasidan qaytardilar». 
219
Abu Hanifa (r.a.) Abdumalikdan, u Quza’adan, u Abu Saiddan (r.a.) rivoyat qiladi. Abu 
Said (r.a.) aytdi: «Rasululloh (s.a.v.) shak kunida ro‘za tutishni ta’qiqladilar». 
220
Abu Hanifa (r.a.) Nofiydan, u Ibn Umardan (r.a.) rivoyat qiladi. Umar ibn Xattob (r.a.): 
«Men johiliyat davrida Masjidi Haromda e’tikof o‘tirishni nazr qilgandim. Musulmon 
bo‘lganimda Rasulullohdan (s.a.v.) «E’tikof o‘tirishim kerakmi?» deb so‘radim. 
Rasululloh (s.a.v.): «Nazringni ado et», deya marhamat qildilar», deganlarini aytdilar.