Microsoft Word kr vijdon azobi ziyouz com doc

www.ziyouz.com кутубхонаси 
59
Учови кетишди. Ҳаво унчалик очиқ эмасди. Аммо ёмғир ёғишидан аввалроқ келиб 
улгуришар деб ўйладим. Улар кетганидан кейин ярим соат ўтар ўтмас, ёмғир қуйди, кутилмаган 
тўфон бўлди. Болаларим томон югурдим. Дарё қутурган эди. Ҳар томонни сел босди. Дунём 
остин устун бўлиб кетди. Тўлқинлар оч аждарҳодек бостириб келарди устимга. Овозимни 
борича бақирардим: 
- Усмо-о-о-н! Зайна-а-а-аб!Муро-о-од! Болаларим қайдасиз!Болам! 
Тўлқинлар пишқириб, дарё қирғоқларига уриларди. Бир пайт дарёдан бўғиқ фарёд 
эшитилгандек бўлди: 
- Она-а-а-а-а-а! 
Овоз келган томонга телбаларча югурдим.
- Боалм, болажоним! Қошнилар! Эшитяпсизми? Болаларимни қутқаринг! 
Биров дарёда кўзга кўриниб кўринмай элас элас оқиб кетаётганда:"Болам" деб ўзимни сувга 
отдим. Тўлқинлар мени ҳасдек олиб кетди. Қанча ўтди билмадим, бир толни тутиб, ўзимни 
қуруқликка отдим. Ва ногоҳ Муродим ҳам бир новдани ушлаб бақирарди.
- Она, мени қутқаринг! 
- Бола-а-а-ам! Бироз чида, боряпман, сабр қил бироз! 
Болам томонга яшиндай югурдим... . .
- Болам, болагинам, Муродим! 
- Она, акам, опам, қани? Уларни топинг она.
- Сен шу ерда кут, болам, мен уларни ахтарай...
Ҳушим бошимдан учди. Бошяланг, жиннига ўҳшаб дарё бўйида югурардим. Ўзинг сақла, 
Аллоҳим! Даҳшат! Не бўлса ҳам тоипсам дейман? ... .
Eртасига Қизилча қишлоғидан қизим ва ўглимнинг жасадини топдик. Қандай айтай? ... Бу 
ғамни қай сўз ила ифода қилай? ... Икки фарзандимни дафн этдик. Беш кундан кейин 
Муродимни саволларига дуч келдим.
- Она, акам билан опам ҳозир қайда?
- Жаннатда, ўғлим.
- Она, нега мен бир новдани ушлаб, ўлмай қолдим? Нега улар тутолмади, аҳир уларнинг 
кўзи очиқ эди-ку?
- Ўғлим кўзлар Аллоҳнинг қадарини ўзгартира олмайди. Кўрмаганинг ҳолда сен дараҳтни 
топиб тутдинг, улар кўргани ҳолда тутолмади...
- Энди кўрлик мени ҳафа қилмайди, она. Болаларнинг мазаҳлашига ҳам эътибор 
бермайман.
Ҳақиқтдан бундан кейин кўрлик ҳақида сўз очмади. Мен Аллоҳдан сабр сўрадим. Бир неча 
йилдан кейин яна икки ўғил кўрдим.