Microsoft Word kr vijdon azobi ziyouz com doc

КЎНГИЛ КЎЗИ КЎР БЎЛМАСИН 
"Ўғлим... Болам, жоним фидо, онанг қурбон бўлсин сени Яратганга!"-дея ўстирдим 
Муродимни. Болагинамнинг кўзлари кўр, лекин жуда ақлли. Беш ёшга тўлганда сўраб қолса 
бўладими: 
- Она, менинг кўзларим нега кўр?
Жигаримнинг бир парчаси узилгандек бўлди. Нима ҳам дея олардим. У эса сўрашда давом 
этарди.
- Она кўрмоқ нима? Кўрса нима бўлади?

---

Виждон азоби. Амина Шанликўғли 
www.ziyouz.com кутубхонаси 
58
- Дунёни кўрасан, ўғлим, қуёшни, ойни, кеча-кундузни...
- Ой, қуёш, кеча кундуз нима, она? Ёнадими улар? Қанақа нарса ўзи?
- Ўғлим, ой, қуёш кўк юзида бўлади.
- Кўк юзи нима, она? У қандай нарса?
Жавоб беролмасдим. Жавоб беролмаслигимни тушунган болам: 
- Жавобингиз йўқми, она? Албатта жавоб бўлиши керак, тўғрими, она?
Она-бола шундай суҳбатдош дўст эдик. Лекин баъзан инжиқлик қиларди:"Опам, акаларим 
кўришади-ю, лекин мен нега кўрмайман? "- дея туриб олқрди. Қанча тушунтирмай кор 
қилмасди. Мен ҳам унга бот-бот: 
- Болам, муҳими кўнгил кўзидир. Аллоҳга шукрки, нуқсонинг фақат кўзингда. Қўл оёқларинг 
йўқ бўлса нима бўларди?
Албатта, бироз тасалли топарди. Аммо зиналардан чиқиб тушишда йиқилиб тушса бор 
овозича бақирарди.
- Муродим, болам, мени ҳафа қилмасанг-чи, - дердим. Менинг унга айтганларимни, 
англатганларимни одамлар билишса, улар ҳам тўҳтовсиз болаларига боғланиб, улар билан 
тинмасдан машғул бўлишармиди.
УЧ ЙИЛДАН СЎНГ 
Муродим бироз тартибга кирди. Энди у саккиз ёш. Мана, ташқарида ўйнаяпти. Опаси билан 
Зайнаб бор ёнида. Ё, Раббий!Болалар жўр бўлиб, боламга бақиришмоқда: 
- Кўр Мурод, кўр, бизни тутоламйди...
Болам турган жойида қотиб қолди. Тезда ташқарига чиқдим.
- Болалар, ҳеч ўйлайсизми? Қаранг, Мурод йиғлаяпти. Ота-онангиз сизга "кўрга кўр, 
чўлоққа чўлоқ" дейиш гуноҳлигини айтишмаганми? Бундай қилманг, Муродни ғамга ботирманг, 
ҳафа қилманг! 
Болалар эса тингламас, тушунмас эдилар. Уларга ота-онаси тарбия берганмидики қулоқ 
солса. Мурод йиғлай - йиғлай уйга кирди. Овозини борича бақирди: 
- Мени кўр дейишди. Яшашни ҳоҳламайман. ўлишни истайман...
- Болам, улар тарбиясиз болалар. Ота-оналари тарбия берган бўлсайди, сени 
айблашармиди? Ҳафа бўлам болам. Узрли инсонларни айблаганлар ўзларини камситганлар 
болади, улар ўзларини ҳор қилгувчилардир. Сен сабр қил, сен яҳши мусулмон бўл. Аллоҳ сенга 
жаннатда шундай гўзла кўз ато қилурки, кўрганларнинг кўзлари қамашур.
- Аммо қачон бўлади у, она?
- У дунёда... болам. .
- Унга жуда кўп вақт борми?
- Йўқ, болам, яқин, ҳатто юз йил бўлса ҳам яқин. Қара, менинг отамнинг отаси ҳам сендек 
бола эди, энди у йўқ. Асло исён қилма, болам! Аллоҳни севганлардан бўлиб, икки кўзи 
очиқлардан ҳам баҳтли бўлгайсан. Абадий ҳаётинг жаннатда кечгай, Иншааллоҳ.
- Жаннат қанақа жой, она?
- Гўзал жой, беҳад гўзал. Аллоҳ жаннатни англатар экан, тўйиб бўлмайди, дейди. Абадий 
анҳорда сутлар асаллар оқади, дейди. У ерда инсонлар нимани ҳоҳласалар ана шу бўлади. Бу 
дунё ўткинчидир. Қанча кўзларга тупроқ тўлди. қанча кўзлар қабрда тупроқ бўлди. Эгасига 
фойдаси йўқ, болам.
Ўғлим тингларди. Гоҳо исён этгувчи бўлса-да, менинг ёнимда ўйчан эди.
Бир куни акаси мактабдан келгач: 
- Она, укаларимни дарё соҳилига олиб борайми?
- Яҳши бўларди, Усмон, мен ҳам пешиндан кейин бораман, - дедим.

---

Виждон азоби. Амина Шанликўғли