Microsoft Word kr sh xolmirzayev 2 ziyouz com doc

www.ziyouz.com кутубхонаси 
209
Одил ака эса ҳайрон эди, холос... Кейин бемалол ўнгу сўлга қараб кулди. 
— Ну, вм молодцьт, — деди. — Не ожидал, не верил... Ну, что ж, стриляйте, сволочи! — шундай 
чинқириб юбордики, ўлай агар, тўппонча-ю милтикдан эмас, у кишининг овозидан қўрқиб кетдим ва шу 
оннинг ўзида шундай қувонч ичимдан чиқдими, ичимга кирдими, энтикиб қолдим. — Бандити! — 
бақира бошлади Одил ака. — Не воини вм... Я теперь — наконец узнал, кто вьт такие... — Кейин яна 
нутқ ирод қилаётгандай давом этди: — Хотя я служил... в Манчжурии! Зашишал эту власть... 
Шу пайт ҳали шофёрларига ишора қилган солдат шахдам юриб келиб, капитаннинг тўппонча тутган 
қўлини кўтарди-ю, билагидан ушлади. Сўнг аста пасайтириб, қуролни ғилофига солди. Кейин Одил 
акага қараб: 
— Не ари, старик. Убирайса! — деди. 
— Я? Мне тьт говоришь? — баттар чинқириб юборди Одил акава биз тамом бўлдик. — Тм, вм, все 
вн убирайтесь к чорту! Эта — мая, мая родина, понимаешь! Родина... Мая земля... Я — здесь хозяин. А 
вм все... 
— Хорошо, хорошо, — деди ҳалиги солдат ва капитанни итариб, кейин кўтариб, кабинага жойлади. 
Эшикни шарқ этказиб ёпиши билан мошина жилди. Солдат — солдат экан-да: «пашли, пашли» 
дейишиб, милтиқлари-ю сафар халталарини олишиб, чопишиб, бортга чиқиб олишди. 
Охирида кузовга чиққан бояги йигит кўзини қисиб қўйиб, муштумини бизга, тўғрироғи, Одил акага 
тўғрилади-да, қўлида тўпппонча бордек, кўрсаткич бармоғини босиб қўйди. Кейин кулиб, у ёққа қаради. 
Мошиналари вездеход каби силкиниб-силкиниб елиб тушиб кетди. 
Одил акага қарасам, ранги оппоқ: ҳамон жаҳлдан тушмаган. Хрлбуки, биз тирик қолганимиз учун 
шукр қила бошлаган эдик: бунга шубҳам йўқ. 
— Ярамаслар, — деди Одил ака ниҳоят. — Қаранглар-а, тавба... Вабше, бу ақлга сиғмайди... Уф! 
Чекишга борми? А-а, пастда қолган эди. Кетдик... 
Биз дўстлар яна бир-биримизга қараб олишар, тўғрироғи, биз Одил акадан ҳайратда эдик. Шу 
ҳиснинг оқибатидами, дарҳол «кетдик»га бўйсуниб, қимирлай қолдик. Ва сўзсиз, таранг бир ҳолатда 
анчагина юриб қўйгач, хотиржам тортиб, тилимиз чиқа бошлади, илло, бизга Одил аканинг ҳолати 
юққан эдики, бу ҳолат айни чоғда — буюк бир сабоқ ҳам эди.