Microsoft Word Conf-селекция rtf

Фойдаланилган адабиётлар:
1. Файзиев О.Р. Ўзбекистонда ёғ-мой муаммолари ва тараққиёт истиқболлари. Обод турмушни 
таъминлашда иқтисодиётни ва инновацион фаолиятни такомиллаштириш муаммолари” 
мавзусидаги республика анъанавий илмий-амалий конференция материаллари III-қисм. 
Самарқанд-2013 йил. 32-35 бетлар. 
2. Бадина Г.В. ва бошқалар - Агрономия асослари китобида, ХП-бобида, кунгабоқар, 
Агропромиздат, Ленинград, 1989 й. 398-б. 
3. Wilson G. W. – Studies in Norta American Peronosporales, 11,
Phutopathoreae and Rhysotheceae, Bull Torrey Bot. Club. 34, 1907. 
4. Павленко Л.Ф. и др. – Эффект удаления листьев у гибридов подсолнечника и их родительских 
линий. Ж. Технические культуры, 1992 год, № 3, с. 16-19. 
5. Нурматов Ш., Азизов Т. ва бошқалар. – “Мойли экинлардан юқори ҳосил етиштириш 
агротехнологияси” бўйича тавсиялар. 2009-2010 йиллар. 
 
ҒЎЗАНИНГ ЯНГИ НАВЛАРИНИ ЯРАТИШДА МАС (МАРКЕРЛАРГА АСОСЛАНГАН 
СЕЛЕКЦИЯ) ТЕХНОЛОГИЯСИНИНГ АҲАМИЯТИ 
 
Кушанов Ф.Н., Макамов А.Х., Дарманов М.М, Тураев О.С., Норов Т., Туланов А.А., Усмонов Д., 
Мирзаёқубов К., Буриев З.Т., Абдурахмонов И.Ю. 
ЎзРФА, ҚваСХВ, Ўзпахтасаноат уюшмаси, Геномика ва биоинформатика маркази
Республикамизда 
пахтачилик 
соҳаси 
мамлакатимиз 
иқтисодиётининг 
барқарорлигини 
таъминлашда муҳим ўрин тутади. Ғўзанинг ҳосилдор, касалликларга чидамли ва тола сифат 
кўрсаткичлари юқори бўлган навларини яратиш борасида генетика ва селекция соҳасида бир қанча илмий 
тадқиқотлар олиб борилмоқда[1, 2]. Дунёда биринчилардан бўлиб Абдурахмонов ва бошқ.,томонидан [3, 
4] Gossypium hirsutumтурига мансуб қишлоқ хўжалик учун зарур ҳисобланган қимматли хўжалик 
белгиларни ўзида мужассам этганғўза гермоплазмасидан фойдаланибғўзада “нотенг бирикканлик” 
усулини қўллаш билан тола сифати белгилари билан бириккан ДНК маркерлари идентификация қилинди 

---

299
ва ғўза геноми нотенг бирикканлик локуслари даражасини аниқлашга эришилди.Шунингдек, ушбу 
тадқиқотлар натижасида G.hirsutum L. тури генетик коллекцияси асосида амалий селекция учун зарур 
бўлган юқори кўрсаткичли қимматли-хўжалик белгиларга эга бўлган 20 тага яқин донор линиялар 
ажратиб олинди(1-жадвал).Ушбу линиялардаги юқори кўрсаткичли қимматли-хўжалик белгиларни 
(жумладан микронейр, тола узунлиги, пишиқлиги, элонгацияси) идентификация қилинган ДНК ва ген-
специфик маркерлар ёрдамида ғўзанинг янги истиқболли навларини яратишда Маркерларга асосланган 
селекция (МАС) усули билан селекция жараёнига жалб қилиш имконияти яратилди[5]. Реципиент генотип 
сифатида эса мамлакатимизда яратилган ва республика ғўза майдонларида экиб келинаётган 11 та нав 
танлаб олинди (1-жадвал). 
Юқорида таъкидлаб ўтганимиздек, замонавий МАС дастури бўйича бу ишни амалга ошириш ҳам 
иқтисодий, ҳам кам вақт талаб қилиши жиҳатидан бошқа усуллардан самаралироқдир [6]. Танлаб олинган 
реципиент навларнинг қимматли-хўжалик белгилари донор генотипларникига нисбатан паст бўлганлиги 
сабабли ушбу навларни яхшилаш учун 20 тага яқин комбинацияда чатиштириш ишлари олиб борилди. 
Олинган дурагай авлод ўсимликлари донор генотипларнинг яроқсиз белгиларини йўқотиш ва реципиент 
генотипларнинг қолган геномини тиклаш мақсадида ҳар йили реципиент ўсимлик билан бекросс (қайта) 
чатиштирилди. Бунда, ҳар бир авлод ўсиликлари ҳар қайси белги учун тегишли бўлган ДНК маркерлар 
ёрдамида тешириб селекция қилиш асосида кейинги авлод дурагай ўсимлигини олиш учун танлаб олинди. 
Яъни, ҳар бир бекросс авлод ўсимликлариданва ота-она линияларидан ниҳол давридаёқ лаборатория 
тадқиқотлари учун барглар намуналари йиғиб олинди. Намуналардан геном ДНКси ажратилиб [7] ПЗР 
(Полимераза занжир реакцияси) усули ёрдамида тегишли ДНК маркерлар билан текшириб чиқилди. (1-
расм). 
Танланган маркерлар бўйича ўзида донор локусларини тутган дурагай ўсимликлар қолдирилиб 
қолганлари юлиб ташланди.Бундан ташқари вегетация даврида ҳар бир индивиднинг морфо-биологик 
белгилари ҳам қайд этиб борилди.Ҳар бир ўсимликдан алоҳида-алоҳида териб олинган ҳосилнинг тола 
сифати кўрсаткичларини аниқлаш учун “СИФАТ” марказида таҳлил қилинди [8].Учинчи авлод бекрос 
дурагайларининг барча комбинацияларида тола сифат натижалари анча юқори кўрсаткичларни намоён 
этди.Масалан, Андижон 35навинингтола пишиқлиги 32,1 гк/тексни ташкил этган бўлса бекросс 
дурагайларида бу кўрсаткич ўртача 37,1 гк/текс ташкил этди. Бу эса донордаги тола пишиқлиги билан 
боғлиқ маркер локуснинг дурагайларга ўтганлигидан далолат беради. Натижалар асосида ушбу тола сифат 
кўрсаткичлари энг яхши деб топилган дурагайлари келгуси йили қайта (бекросс) чатиштириш ва кейинги 
авлод дурагайларини олиш учун танлаб олинди. 
Шундай қилибтола кўрсаткичларининг 4 та (микронейр, пишиқлик, узунлик, элонгация) 
белгилари бўйича жами 10 га яқин комбинация мавжуд бўлиб улар ҳозирда BC
5
F
1
авлоддурагайларини 
олиш мақсадида экиб парвариш қилинмоқда. Келгусида ушбу линиялар устида 1-2 йил ўз-ўзидан 
чатиштириш ишлари олиб бориб сўнгра давлат нав синаш шахобчасида экиб ўрганиш кўзда тутилмоқда.