Microsoft Word Conf-селекция rtf

Тадқиқот услублари ва манбалари. Интродукцион ва селекцион тадқиқотларга Ўзбекистон, 
Қозоғистон, Қирғизистон, Тожикистон, Туркманистон республикалари қурғоқчил минтақалари табиий 
флорасидан озуқабоп бута, ярим бута, кўп йиллик ўтчил турлар жалб қилинди. Интродукция ва селекция 
ишларини олиб боришда “Тур ичидаги экотипик комплекслар” (Шамсутдинов ва бошқалар 1982) услуби 
асос қилиб олиниб, популяцияларда умумий, кўп марталаб, индивудиал оилавий танлаш,табиий 
полиплоидия, экотиплараро дурагайлаш усуллари кенг қўлланилди.
Тадқиқот натижалари. Қора саксовулнинг “Нортуя”нави унинг Қизилқум ёввойи 
популяциясидан кўп марталаб умумий танлаш орқали яратилди. Нав гипсли шувоқ эфемерли чўл 
минтақасида ўсишга яхши мослашган, бўйи 4-5 ёшида 2,5-3,0 м га етади. Илдизи ер ости сизот 
сувларигача бориб етади (17-23м). Саксовулнинг ушбу нави ҳосилдорлиги юқори бўлиб, гектардаги туп 
сонига боғлиқ ҳолда ўзгариб туради. Унинг гектардаги оптимал туп сони 450-500 туп бўлиб, ушбу 
шароитда унинг пичан ҳосили 14-16ц/га бўлиши кузатилган (Шамсутдинов, 1975). Саксовулнинг фитоген 
майдони таьсири остида яйловлар ҳосилдорлиги 2-3 мартаба ортиши кузатилган (Убайдуллаев, 1990; 
Хамроев, 2009) . 
Чўғоннинг “Жайхун” нави унинг Муборак ёввойи популяциясидан кўп марталаб умумий танлаш 
орқали яратилган. Бўйи 80-120см, илдизи 7-8м чуқурликгача кириб боради. Вегетация даври 220-250 кун. 
Шувоқ эфемерли чўл минтақасида гектаридан 15-22ц/га пичан ва 2,5-4,2 ц/га уруғ ҳосилини тўплайди. 
Кузги ва қишки яйловлар яратишда истиқболли нав. Чўғоннинг ушбу нави адир, гипсли ва қумли чўл 
минтақаларида ҳам ўсишга яхши мослашган ва юқори пичан ҳосилини беради (Бекчанов, 2001). 

---

149
Қуйровуқнинг (Salsola orientalis S. G. Gmell) «Первенец Карнаба» нави Муборакчўл ёввойи 
популяциясидан кўп марталаб умумий танлаш орқали яратилган. Гипсли чўл шароитида ҳосилдорлиги 15-
17ц/га, уруғ ҳосили -2,0-2,5ц/га. Кузги-қишки яйловлар яратишда истиқболли нав. Вегетация даври 250-
260 кун. Вояга етган ўсимликлар бўйи-60-70см, кучли шохланган, илдизи 7-8м чуқурликкача кириб 
боради. Қурғоқчилик, исссиқлик, шўрланишга чидамли (Хамидов, 1978).