Microsoft Word Bolalar nevrologiyasi end doc

Subtentorial o‘smalar. 
Bolalarda ko‘proq uchraydi (70% hollarda), ularga 
miyacha, ko‘prik-miyacha burchagi, 4-qorincha va miya so‘g‘oni o‘smalari kiradi. 
Miyacha o‘smalari.
Miyacha yarim sharlari va chuvalchangi o‘smalari 
farqlanadi. Ko‘pincha, ular astrotsitomalar, kam hollarda medulloblastomalar va 
angioretikulomalardir. Miyacha chuvalchangi o‘smasi uchun statik ataksiya, yurish 
ataksiyasi, ikki tomonlama gipotoniya, skandirlashgan nutq, majburiy bosh holati, 
nistagm xos. Miyacha yarim sharlari o‘smasining eng xaraterli belgilari turish va 
yurish ataksiyasi, oyoq-qo‘llar ataksiyasi, adiadoxokinez, zararlangan tarafda 
gipotoniya, nistagm. 
Ko‘prik miyacha burchagi o‘smalari. 
Bularning ichida VIII juft bosh 
miya nervining nevrinomasi, meningiomalar va xolesteatomalar uchraydi. 
Vestibulo-Koxlear nervining nevrinomasi va meningioma quyidagilar bilan 
xarakterlanadi:
1. Quloqda shovqinning oshib borishi, eshitishning pasayishi yoki asta-sekin 
tovush qabul qilish turi bo‘yicha karlik rivojlanishi. 
2. Yuzning zararlangan tarafida trigeminal og‘riqlar, uch shohli nervning 
zararlanish sohasida sezgining hamma turlarini pasayishi yoki yo‘qolishi, shoh 
parda reflekslarining pasayishi yoki yo‘qolishi. 

---

 360
3. O‘sma tarafida uzoqlashtiruvchi nervning falaji.
4. Miyacha gomolateral yarim sharlar simptomokompleksi kuzatiladi.
4-qorincha o‘smasi.
 
Bunda ko‘pincha ependimomalar uchraydi. Bu 
o‘smalar uchun ensa sohasida xurujsimon bosh og‘rig‘i, tizimli bosh aylanishi, 
boshni majburiy holati, xiqichoq tutishi, qusish, nafas olish va yurak faoliyatini 
buzilishi, tonik tutqanoq xurujlari, bulbar falajlar (Bruns sindromi), xushni 
qorong‘ilashuvi, o‘tib ketuvchi amavroz bo‘lishi bilan xarakterlanadi. O‘sha zahoti 
o‘lim sodir bo‘lishi mumkin.
Miya so‘g‘oni
o‘smalari miya oyoqchalarida, Varoliy ko‘prigi va uzunchoq 
miyada joylashishi mumkin. Ko‘pincha, bu astrotsitomalar, multiform 
spongioblastoma va meningiomalar. Bu o‘smalar uchun turli alternirlovchi 
sindromlarning asta-sekin rivojlanishi xos.