Microsoft Word Bolalar nevrologiyasi end doc

Vaskulitlarda asab tizimini zararlanish klassifikatsiyasi. 
 
Vaskulitlarda asab tizimini zararlanishi yaqqol polimorfizm bilan namoyon 
bo‘lib, quyidagicha klassifikatsiya qilinadi: 
1. Diffuz shakli – meningoensefalomiyelopoliradikulonevropatiya va uning 
shakllari.
2. Serebral shakli – tarqoq mikrosimptomatika bilan, o‘choqli belgilar, 
gipotalamik sindrom, psixopatologik belgilar, qon aylanish yetishmovchiligi 
belgilari bilan kechadi.
3. Periferik shakli – polinevropatiya, mononevropatiya.
4. Kechuviga ko‘ra – progredient, regredient, statsionar turlari.
Klinikasi. Diffuz shaklida 
– meningoensefalomiyelopoliradikulonevropa-
tiya bilan xarakterlanadi. Bunda doimiy bosh og‘riq, ko‘ngil aynash, qusish, 
yorug‘likdan qo‘rqish, oyoqlarida holsizlik va uyushish, tez charchash, ozish. 
Nevrologik statusda: bosh miya nervlari patologiyasi, pay reflekslarini oshishi yoki 
pasayishi, sezgi buzilishlari, tortilish belgilari, parez va meningial belgilar bo‘ladi. 
Diffuz zararlanish – og‘ir shakli bo‘lib, ichki a’zolar patologiyasi va teri vaskuliti 
fonida kechadi. Bu shakli – revmatizm, qizil yugirik, gemorragik vaskulitlarda 
uchraydi.
Serebral shakli 
– ko‘p uchrab, bu turi asosida serebral vaskulitlar yotadi. 
Klinikada yaqqol polimorfizm bo‘lib, ko‘pincha o‘choqli belgilar, gipotalamik 
belgilar, tarqoq mikrosimptomatika, psixopatologik belgilar bilan namoyon 
bo‘ladi.
O‘choqli belgilar bilan kechuvchi serebral vaskulitlar – 
turg‘un o‘choqli 
ko‘pincha mayda qon tomirlar zararlanadi va surunkali qon aylanishi 
yetishmovchiligi ko‘rinishida namoyon bo‘ladi. Miya qon tomirlarida produktiv 
proliferativ jarayon hisobiga.
Ichki uyqu arteriyasidaga distsirkulyator buzilishlar klinikasida – gemiparez, 
afaziya, sezgi buzilishlari kuzatiladi. Vertebro bazilyar tizimda distsirkulyator 
buzilishlar: diplopiya, tizimli bosh aylanish, nistagm, statik va dinamik ataksiya, 
alterlanuvchi belgilar bilan namoyon bo‘ladi.