Microsoft Word Bolalar nevrologiyasi end doc

Tashhis qo‘yish.
Umumiy klinik va nevrologik tekshirishlar bilan birga laborator 
diagnostikadan foydalaniladi, teri sinamalari va instrumental tekshirishlar aniq 
diqqatlik bilan yig‘ilgan anamnez tashhis qo‘yish uchun katta ahamiyatga ega. 
O‘tkir va o‘tkir osti nevrologik belgining rivojlanishi, parda qanotli 
hashoratlarning chaqishi natijasida, immunizatsiyadan keyin yoki infeksion 
kasalliklar davrida tashhis qo‘yishga qiyinchilik tug‘dirmaydi. Allergik vaskulit, 
petexiyalar, purpura, terida eritematoz toshmalar toshishi ko‘rinishida kechib, bu 
esa jarayonning ketma-ketligidan dalolat beradi. Teridagi ko‘rinishlar bilan bir 
qatorda obyektiv va subyektiv nevrologik belgilarning paydo bo‘lishi mumkin. 
Allergik toshmalar Kvinke shishi, dermatit, ekzema turida yoki nevrologik 
belgilarning kuchayishi ko‘rinishida paydo bo‘lganligini anamnezdan aniqlash 
kerak.
Etiologik sabab ayrim hollarda mahsus immunologik testlar yordamida 
(RSPB, RSK, RP, RAL, RLL eritmali allergenlardan) tasdiqlanadi. Shu maqsadda 
teri sinamalari ehtiyotlik bilan o‘tkazilishi lozim. Teri sinamalarida umumiy va 

---

 333
mahalliy reaksiyalar bo‘lishi mumkin. Umumiy reaksiyalar (kollaps, vegetativ qon 
tomir paroksizmalari, sefalgiya, bronxospazm, rinit, teri kichishi) 48 soat ichida 
paydo bo‘lishi. Manfiy teri sinamalari allergen yo‘qligini tasdiqlamaydi, balki 3-4 
kundan keyin spetsifik immunologik testlar qo‘llanilganda musbat natija beradi. 
Klinik va bioximik tahlillarda immun yallig‘lanish tasdiqlaydigan (EChT 
tezlashgan, limfotsitoz, monotsitoz, eozinofiliya yoki aneozinofiliya) ulardan 
foydalaniladi. DFA, disproteinemiyani rivojlanishini oshishi bilan kechadi. Alfa 
va gamma globulinlarning oshishi bilan qon tomirlar o‘tkazuvchanligining oshishi, 
S-reaktiv oqsil paydo bo‘lishi IgG miqdori oshadi, qon zardobida anti-DNK 
miqdorining oshishi (7Ed/ml), autoimmun jarayoni kechayotganidan darak beradi. 
Ko‘pchilik hollarda OMS ning o‘zgarishi (pleotsitoz, oqsil miqdorining oshishi, 
likvor bosimining yuqoriligi, gipergammaglobulinemiya va IgG oshishi) 
kuzatiladi.