Microsoft Word Bolalar nevrologiyasi end doc

Adashgan nerv nevropatiyasi 
Etiologiyasi:
 
infeksiyalar (difteriya, botulizm) intoksikatsiyalar, tomirli va 
degenerativ buzilishlar, neyroallergiya.
Klinika
 
disfoniya, disfagiya, ichki a’zolar funksiyasining buzilishi bemor 
hayoti uchun xavf tug‘diradi. Murtaklar, yumshoq tanglay sohasida sezuvchanlik 
buzilishlari aniqlaniladi. Bir qator bemorlarda yutish va yumshoq tanglay refleksi 
pasayadi, tanglay ravoqlari harakatchanligi chegaralangan.
Dorzal o‘zak va ulardan yuqoriga chiquvchi vegetativ tolalarni zararlanishi 
ichki a’zolar funksiyasini buzilishiga olib keladi, birinchi navbatda yurak va 
o‘pkalar faoliyati buzilishi, agar ikki tomonlama zararlanish kuzatilsa yurak va 
nafas to‘xtatishi natijasida o‘limga olib keladi.
Davosi 
etiologiyasiga qarab tegishli davo (difteriya, botulizmga antitoksik 
zardoblar), V guruh vitaminlari, nootroplar, biogen stimulyatorlar qo‘llaniladi. 

---

 296
Yurak faoliyati kuchsizlanganda va nafas buzilganda yurak faoliyatini va nafasni 
yaxshilovchi vositalar (keyinchalik IVL ga o‘tkaziladi) qo‘llaniladi. Yutish 
buzilganda zont orqali oziqlantiriladi. Kasallik oqibati adashgan nerv va uning 
o‘zagini zararlanish sindromini xarakteri va darajasiga bog‘liq.

 
Karotid sinusi periarteriti (Tolas-Xant sindromi) 
Yuz sohasidagi og‘riq infeksion allergik jarayon ta’sirida chaqirilayotgan 
arteriyalarni zararlanishi bilan bog‘liq. Ko‘pincha yuzdagi og‘riqlarni paydo 
bo‘lishiga chakka arteriti va karotid sinusi periarteriti sabab bo‘ladi.
Bu patologiyani birinchi bor amerikalik olimlar aniqlashgan va keyinchalik 
ularning nomi bilan atala boshlandi. Talas-Xant sindromi og‘riqli 
oftalmoplegiyaning o‘ziga xos simptomokompleksi bo‘lib ko‘z, peshona-chakka
sohasida og‘riq bilan xarakterlanadi. Og‘riq darakchilarisiz boshlanadi va asta 
sekin kuchayib achituvchi yoki yirtuvchi xarakterda bo‘ladi.
Qo‘shimcha qorachiq buzilishlari, papelyar mushaklarning denervasion 
gipersezuvchangligi bilan bog‘liq. Talas-Xant sindromi karotid sifoni, kavernoz 
sinusning tashqi devori, yuqori ko‘z yorug‘i va ko‘z kosasi sohasida har xil 
patologik jarayonlar bilan chaqirilishi mumkin.
Qiyosiy tashhis tizimli vaskulit, uyqu arteriyalarining anevrizmasi, orbita va 
miya asosining o‘smalari, kavernoz sinusning trombozi va so‘g‘oni ensefaliti bilan 
o‘tkazish kerak.