Microsoft Word Bolalar nevrologiyasi end doc

Stomalgiya va glossalgiya 
Stomalgiya (og‘iz bo‘shlig‘i shilliq qavatidagi og‘riqlar), glossalgiya (tildagi 
og‘riqlar) bu kasallik og‘iz bo‘shlig‘i va til sohasidagi doimiy og‘riqlar va 
paresteziyalar bilan birga kechadi. Stomalgiya va glossalgiya juda keng tarqalgan, 
ularning paydo bo‘lishiga mahaliy va umumiy omillar sabab bo‘ladi.
Mahaliy omillarga nuqsonli tishlarni va protezlarni o‘tkir uchlari bilan og‘iz 
bo‘shlig‘i shilliq qavatini ta’sirlanishi, tish toshining ko‘p miqdorda to‘planishi, 
allergik reaksiyalar kiradi.
Stomalgiya va glossalgiyalarga sabab og‘iz bo‘shlig‘i shilliq qavati 
kasalliklari (kandidoz, qizil yassi temiratki) V, IX juft bosh miya nervlarini va 
vegetativ gangliyalarning patologiyasi hisoblanadi. Umumiy omillarga oshqozon 
ichak tizimi kasalliklari (gastrit, yara kasalligi, xolistsistit, gepatit, surunkali kolit) 
endokrinopatiyalar (diabet, klimaks), qon tomir kasalliklari (ateroskleroz, 
gipertonik), stresslarning surunkali ta’siri bo‘lishi mumkin. 
Klinik 
jihatdan stomalgiya va glossalgiya og‘iz bo‘shlig‘ining turli 
sohalarida va tilda noxush sezgi, og‘riq va paresteziya bilan xarakterlanadi. 
Ko‘rsatilgan buzilishlarning yaqqolligi kuchsizdan to chidab bo‘lmaydigan 
darajagacha bo‘lishi mumkin. Ba’zan og‘riq va paresteziyalar butun og‘iz 
bo‘shlig‘ini egallaydi (generallashgan shakli). Kasallik yoshlarda va qariyalarda 
ham paydo bo‘ladi. Bir qator hollarda giperesteziya va giperalgeziya ko‘rinishida 
sezuvchanlikni buzilishi, hamda ta’m bilish buzilishi kuzatiladi. Ko‘pchilik 
bemorlarda trofik buzilishlar aniqlanadi. Shuni e’tiborga olish kerakki stomalgiya 
va glossalgiyaning asosiy qiyosiy tashhisi bo‘lib, ovqatlanayotgan paytda og‘riq va 
paresteziyalarning kamayishi yoki to‘xtashi hisoblanadi.
Davosi
birinchi navbatda og‘iz bo‘shlig‘ini sonatsiya qilish, hamda tishlarni 
o‘tkir chetlarini arralash va boshqalar. Mikrotsirkulyatsiyani hamda nerv 
to‘qimasida modda almashinuv jarayonlarni yaxshilovchi vositalar qo‘llaniladi. 
Kompleks davo tarkibiga vitamin V
1
, A, E, ayevit kiradi. Patologik impulsatsiyani 
kamaytirish uchun ganglioblokatorlar (gangleron, benzogeksoniy) hamda 
desensibilizatsiyalovchi vositalar tavsiya etiladi. Iglorefleksoterapiya tavsiya 
etiladi, akupunkturaning mahaliy va umumiy nuqtalariga qo‘yiladi va bu nuqtalar 
tormozlovchi ta’sirga ega. Davo kursi 10-12 muolajadan iborat. 2-3 hafta oralatib 
qayta kurs o‘tkaziladi. Fizioterapiya (novakain, gangleron, geparin, brom bilan 

---

 294
elektroforez) qo‘llash mumkin. Oblipexa moyi, retinol, glitserin va anestezin bilan 
mahaliy aplikatsiyalar tavsiya etiladi.