Microsoft Word Bolalar nevrologiyasi end doc

Orqa miyaning konusi (S
3-5
) C
1-2
shikastlanganda chanoq a’zolarini (siydik 
qopi va to‘g‘ri ichakni) faoliyati buziladi, hamda anogenital sohada sezgi kamayadi 
yoki yo‘qoladi. Bu vaqtda falajlar kuzatilmaydi.
Orqa miyaning bel kengligi (L
2-5
, S
1-2
)
zararlanganda, ko‘p holatda 
oyoqlarda pastki periferik falaj hosil bo‘ladi. Ba’zi holatlarda ya’ni bel kengligini 
ayrim segmentlari zararlanganda, oyoqlarda aralash paraplegiya kuzatiladi, ya’ni 
oyoq mushaklarini ayrimlarida periferik, ayrimlarida esa markaziy falaj belgilari 
hosil bo‘ladi.
Orqa miyaning ko‘krak qismi ko‘ndalangiga
zararlansa, har ikki oyoqda 
markaziy paraplegiya yuz beradi. Bu ham ko‘pincha ko‘ndalang mielitda, 
shikastlanishlarda, intramedullyar va ekstramedullyar o‘smalarda uchraydi.
Patologik jarayon
orqa miyaning bo‘yin kengligining 
oldingi shoxlari va 
yon ustunlarni ikki tomonlama zararlantirsa, aralash tetraplegiya, ya’ni qo‘llarda 
periferik, oyoqlarda esa markaziy paraplegiya yuz beradi. Bu hol orqa miya bo‘yin 
kengligining o‘smasi, miyelit, siringomiyeliya, yon amiotrofik skleroz va 
shikastlanishlarda sodir bo‘ladi. 
 
Shuni aytib o‘tish kerakki, bu xildagi jarayonlarda C
8
va D
1
, segment yon 
shoxlarining zararlanganligi tufayli Klod Berner-Gorner sindromi – enoftalm, mioz 
(ko‘z qorachig‘ining torayishi) va poluptoz ko‘z tirqishini kichrayishi bilan ro‘y 
beradi.
Orqa miyaning bo‘yin qismi ko‘ndalangiga
zararlansa, markaziy 
tetraplegiya yuz beradi. Agarda patologik jarayon orqa miya bo‘yin qismining 
yarmini zararlagan bo‘lsa, tananing shu tomondagi qismida, shuningdek, qo‘l, 
oyoqda markaziy falaj paydo bo‘ladi.
Orqa miyaning ko‘ndalangini yarmi 
zararlansa Broun-Sekar sindromi hosil 
bo‘ladi. Bu sindromda patologik o‘choq tomonning past sohasida markaziy falaj, 
chuqur sezgi va qarama-qarshi tomonda esa yuzaki sezgi o‘tkazuvchi turida 
o‘zgaradi.