Microsoft Word Bolalar nevrologiyasi end doc

Sensor tutqanoqlar
elementar yoki murakkab sezuvchanlik belgilari bilan 
xarakterlanib, boshlang‘ich yoki alohida ko‘rinishida bo‘lishi mumkin. Bularga 
somotosensor, ko‘rish, eshitish, ta’m bilish, hid bilish paroksizmalari va bosh 
aylanishidagi epileptik tutqanoqlar kiradi. 
Somatosensor Djekson tutqanoqlari tananing ayrim qismlarining 
paresteziyasi (uvishish, achishish, chumoli yurganga o‘xshash sezgi) bilan kechadi. 
Ular chegaralangan yoki tananing qo‘shni qismlariga tarqalgan, po‘stloqning 
proyektsion sohasida somotosensor lokalizatsiyaga mos kelgan holda bo‘lishi 
mumkin. Ko‘pchilik hollarda paroksizmalar, somatosensor boshlanib, so‘ng 
paresteziya sohasidagi mushaklarga o‘tadi va ularda tonik talvasalar ko‘rinishida 
bo‘lishi mumkin (sensomotorli tutqanoq).
Ko‘rish tutqanoqlari fotopsiya, skotoma, amavroz va ko‘rishni qabul qilishni 
buzilishi: illyuziya, makro yoki mikropsiya, gallyutsinatsiya bilan xarakterlanadi. 
Eshitish tutqanoqlari elementar eshitish gallyutsinatsiyalari (shovqin, tovush, 
xushtak), illyuziya – makro va mikro akuziya (tovushlarni kuchayishi yoki 
sekinlashishi), mikroteleakuziya (tovushlarning tushib qolishi).
Hid bilish tutqanoqlari ko‘pincha yoqimsiz badbo‘y hidlarni sezish 
ko‘rinishida yuz beradi, ta’m bilish paroksizmalari yoqimli, yoqimsiz hidlarni 
sezish orqali, ba’zida og‘izda metal ta’mini sezish hissiyoti paydo bo‘ladi.
Vestibulyar tutqanoqlar yiqilish, tizimli bosh aylanish ko‘rinishida bo‘ladi, 
ammo eshitish buzilmaydi.
Vegeto vistseral tutqanoqlar po‘stloqdagi orbita-orolcha-tepa sohalar 
razryadidan paydo bo‘ladi. Ular ko‘ngil aynish, yuzning oqarishi yoki qizarishi, 
gipergidroz, qorachiq kengayishi, og‘izda quruqlik sezish, qorinda og‘riqlar, 
tomoqda achishish, havo yetishmaslik hissi, yurak urishi kabi hissiyotlar bilan 
kechadi.
Murakkab parsial tutqanoqlar
 
xushning buzilishi bilan kechadi. U 
keyinchalik bo‘lib o‘tgan voqealarni umuman eslamaydi. Bu tutqanoqlar ko‘pincha 
aura bilan boshlanadi.