Microsoft Word Bolalar nevrologiyasi end doc

Taqqoslash tashhisi.
Uch shoxli nervning nevropatiyasini quyidagi kasalliklari bilan taqqoslash 
lozim:
1.
Til halqum nervini nevralgiyasi (Vedinburg sindromi).
2.
Qanot-tanglay nevralgiyasi (Sluder sindromi). 
3.
Tizzacha tuguni nevralgiyasi (Xant sindromi). 
4.
Glossalgiya. 
5.
Migren. 
6.
Chakka-jag‘ bo‘g‘imini artriti.
7.
Gaymor bo‘shlig‘ini o‘tkir yallig‘lanishi. 
8.
Quloqdagi o‘tkir og‘riq.
9.
Chakka va chaynov mushaklarini mioziti. 
10.
Glaukoma.

---

 280
11.
Gipotireoz.
12.
O‘tkir pulpit.
13.
Simpatalgiyalar. 
Vedinburg sindromida
og‘riq huruji tilni tashqi yuzasida, halqumida, 
tanglayda bo‘lib, quloqqa o‘tadi. Og‘riq xuruji asosan yutganda, esnaganda, 
kulganda, gapirganda bo‘lib og‘izda qurish va yo‘talish bilan birga kuzatiladi. 
Bemorlar og‘izda achchiq ta’m sezadilar. Kokainni 10% eritmasi tanglay-halqum, 
tilga surilganda og‘riq huruji to‘htaydi va bu asosiy taqqoslash kriteriyasi bo‘lib 
hisoblanadi.
Sluder sindromida
 
og‘riq xuruji burunning orqa tomonida boshlanib ko‘zda, 
quloqda, ensada, jag‘da, bo‘yinning tashqi yuzasida kuzatiladi. Ushbu diagnozni 
tasdiqlash uchun burun ichidan qanot-tanglay tuguniga kokain suyuqligi surish 
lozim. Agar og‘riq shu muolajadan so‘ng bir necha daqiqa yo‘qolsa, demak bu 
Sluder sindromi.
Xant sindromi
og‘riq tashqi eshituv yo‘lining oldingi yuzasida va 
so‘rg‘ichsimon o‘simtada bo‘ladi va u yerlarga toshmalar toshishi mumkin. Shu 
bilan birga og‘riq xuruji Xant sindromida bir necha soatdan bir necha kungacha 
davom etishi mumkin.
Glossalgiyada
asosan tilni oldingi, yon yuzasida yoki ildizida kuyish, 
qichish, igna sanchganga o‘xshash holatlari bo‘lib, og‘iz qurish belgisi bilan birga 
kechadi. Bu og‘riqlar ko‘proq bemorni ruhiy holatiga ta’sir qiladi va 
kontserofobiya bilan birga kechadi.