Microsoft Word Bolalar nevrologiyasi end doc

BOSH MIYA SO‘G‘ONI
 
Bosh miya so‘g‘onini uzunchoq miya (medulla oblangata), Varoliy ko‘prigi 
(pons Varolli), o‘rta miya (mesencephalon), miyacha (serebellum), oraliq miya 
(diencephalon) va retikulyar formatsiya (formatio reticularis) lar tashkil qiladi.
10- rasm.
 Miya so‘g‘onining oldingi sathi.
1. Infundibulyar soha 
2. Miya oyoqchasi 
3. Oliva 
4. Piramida
5. Piramida kesishuvi 
6. Miyacha 
7. Varoliyev ko‘prigi 
Bosh miya so‘g‘oni orqa miyaning 
yuqoriga yo‘nalgan davomi bo‘lib, uzunchoq 
miyaning pastki qismi tashqi tomondan orqa 
miyaning tuzilishini eslatadi, qolgan qismlari 
esa turli hajm, shaklga ega bo‘lib orqa miyaga o‘xshamaydi.
Agar orqa miyaga metamerlik xos bo‘lsa, har bir segmentning o‘xshashligi, 
miya ustunida qisman segmentar innervatsiya saqlansada, metamerlik yo‘qoladi.

---

 23
Miya so‘g‘onidagi kulrang moddaning hajmi nisbatan ko‘p, tuzilishi orqa 
miya kulrang moddasiga o‘xshamaydi. Bu yerda orqa miya orqa shoxlari o‘rnida 
miya so‘g‘onining sezuvchi bosh miya nervlarining o‘zaklari, oldingi shoxlari 
o‘rnida esa–harakatlantiruvchi bosh miya nervlarining o‘zaklari joylashgan.
Agar miya so‘g‘onining yon yuzasidan (oraliq miyadan tashqari) 2 ta 
parallel chiziq o‘tkazilsa, miya so‘g‘oni uzunasiga uch qavatga bo‘linadi:
1)
miya so‘g‘onining oldingi qavati yoki asosi (basis) 
2)
miya so‘g‘onining o‘rta qavati (tegmentum) 
3)
miya so‘g‘onining qopqog‘i (tectum) 
Oldingi qavat yoki asosdan pastga tushuvchi piramida va kortiko – nuklear 
o‘tkazuvchi yo‘llar o‘tadi.
O‘rta qavatida esa bosh miya nervlarining o‘zaklari joylashgan va 
ekstrapiramida yo‘llari o‘tadi. Uzunchoq miya va varoliy ko‘prigining qopqog‘ini 
miyacha va uning yelkani, o‘rta miya qopqog‘ini esa to‘rt tepalikning plastinkasi 
hosil qiladi.