Microsoft Word avlodlar dovoni ziyouz com doc

www.ziyouz.com kutubxonasi 
298
Bayramxon ham bas kelolmadi, Mohim enaga ham, Ansoriy ham. Oxirida, mana, yolg‘iz 
inilari Muhammad Hakim zabun bo‘ldi. Biroq hech kim bas kelolmagan Rustam dostonga 
axiyri o‘zining o‘g‘li Suhrob bas kelgani «Shohnoma»dan ma’lumdir. Ilohim, siz bizning 
Suhrobimiz bo‘ling-u Jahongir nomi bilan taxtga chiqing! 
Agar bu gaplar otasining qulog‘iga yetib borsa mavlono Farid tirik qolmasligini Salim 
sezdi va atrofiga xavotirlanib qarab qo‘ydi. Lekin xilvatxonada ikkovlaridan boshqa hech 
kim yo‘q, eshik-derazalar berk. O‘lim xavfidan qo‘rqmay shunday dalil tilaklarni aytgan 
mavlono Farid Salimga jasur odam bo‘lib ko‘rindi: 
— Mavlono, menga toj-u taxt nasib qilgan kuni birinchi xutbani o‘zingiz o‘qigaysiz! 
Mavlono Farid azbaroyi ta’sirlanganidan ko‘zlariga yosh oldi-da, Salimni suyukli 
farzandidek bag‘riga bosib, yelkalarini siladi. 
Akbar bilan uning o‘g‘li orasiga birinchi pona shu tarzda urildi. 
_____________ 
* Salim o‘z xotiralarini keyinchalik «Tuzuki Jahongiriy» deb ataydi.