Microsoft Word Архитектуравий ашёшунослик

deyarli  teng  miqdorda  aralashsa,  bunday  jinslar  mergel  deyiladi.  Giltuproq  oh’aktosh 
mustah’kamligini kamaytiradi. 
Oh’aktosh  oq,  sarg’ish, qo’ng’ir, kulrang,  xattoki  qora  rangda,  dolomit  esa  oq, sariq, och 
qo’ng’ir ranglarda bo’ladi. 
Oh’aktosh  va  dolomit  zaxiralari  h’amma  qitalarda  uchraydi,  qazib  chiqarish  va  qayta 
ishlash  oson.  Shu  tufayli  ular  qurilishda  poydevor  va  devorlarda,  binolarni  bezashda,  beton 
uchun  to’ldiruvchi  sifatida,  oh’ak  va  tsement  bog’lovchilari  olishda  ishlatiladi.  Dolomit 
bog’lovchi  va  olovbardosh  materiallar,  tsement,  shisha,  keramika  va  metallurgiya  sanoatida 
ishlatiladi. 
Sulfatli  jinslarga  gips  va  angidrit  kiradi.  Gips  angidritga  nisbatan  yumshoq  bo’ladi. 
Angidrit oq, yashilsimon, och kulrang  va kulrang-h’avorang ranglarda bo’ladi. Gips  va angidrit 
tosh xolatida qurilishda bog’lovchilar olishda ishlatiladi. Gips konlari Markaziy Osiyo tog’larida 
ko’plab uchraydi va tozaligi bilan farqlanadi. 
Magnezit  asosan  magnezit  minerallaridan  iborat  bo’lib,  olovga  bardoshli  materiallar, 
bog’lovchilar  ishlab  chiqarishda  ishlatiladi.  Magnezit  bog’lovchi  yog’och  chiqindilari  asosida 
kompozitsion materiallar olishda qadrlanadi. 
Allit  jinslariga  glinozyomlar-boksitlar  va  lateritlar  kiradi.  Boksit-alyuminiy  gidroksidi 
qizil,  qo’ng’ir,  jigarrang,  yashil-kulrang  ranglarda  bo’lib,  olovbardosh,  qum  qayroq,  alyuminiy 
ishlab chiqarishda xomashyodir. Laterit kaolinit va temir gidrookisdan iborat. Qizil, qo’ng’ir va 
sariq ranglarda bo’ladi. U agressiv muxitlarda ishlatilishi mumkin. 
Orgonogen  cho’kindi  jinslarga  oh’aktosh,  bo’r,  trepel,  opoka,  diatomit  kabilar  kiradi. 
Orgonogen  oh’aktosh  dengiz  umurtqasiz  h’ayvonlari,  oh’akli  suv  o’tlari  va  oh’aktoshning 

---

aralashishidan  paydo  bo’lgan.  Orgonogen  oh’aktoshning  bir  turi  bo’r  h’isoblanadi.  Bo’r  oq 
rangli,  yumshoq  jins  bo’lib,  bo’yoq,  zamazka  uchun  pigment,  oh’ak  va  tsement  kabi 
bog’lovchilar ishlab chiqarishda ishlatiladi. 
Chig’anoqli  oh’aktosh  zichligi  0,8-1,8  gsm
3
,  engil  arralanuvchan,  teksturasi  chiroyli  jins 
bo’lgani uchun qurilishda ichki, tashqi devor va pollarni qoplashda ishlatiladi. Uning chiqindilari 
beton uchun to’ldiruvchi sifatida foydalaniladi. 
Diatomit,  trepel  va  opokalar  asosan  diatomitli  suv  o’tlari  qobiqlari,  toshga  aylangan 
mikroorganizmlardan,  amorf  kremnezemdan  iborat  uvalanadigan  tog’  jinslaridir.  Ular  issiqlik 
izolyatsiyasi materiallari olishda, tsement uchun mineral aktiv qo’shimcha sifatida ishlatiladi.