Microsoft Word ахборот технологиялар фанидан мажмуа doc

3. Ташқи сақлаш қурилмаларида маълумотларни ташкил этишнинг ўзига 
хос хусусиятлари 
Маълумотларнинг катта массивлари ва архив маълумотлари ташқи хотира (ТХ) 
қурилмаларида жойлаштирилади, у ерда улар файлларда сақланади. Компьютернинг математик 
таъминот тизимларида одатда файллар – файл тизимлари билан ишлаш учун воситалар мавжуд 
бўлади. 
Ташқи хотира қурилмаларида сақланадиган маълумотлар тўплами учун асосий ахборот 
бирликлари мантиқий ёзув; жисмоний ёзув ёки блок; файл; том ҳисобланади.
Ташқи хотира қурилмаси (ТХҚ) даражасида мантиқий ёзув оператив 
хотирада маълумотларни ташкил этиш ва ишлов бериш усулларини кўриб чиқишда 
фойдаланиладиган айнан ўша ахборот бирлигини билдиради. Лекин файл тизими 
учун ёзув маълумотларнинг фақат узунлиги билан тавсифланадиган энг кичик ва 
бўлинмас элементидан иборатдир. Мантиқий ёзувнинг узунлиги фойдаланувчининг 
амалий дастури билан белгиланади ва байт ёки машина сўзларида ифодаланади. 
Маълумотларни бошқариш тизимларида узунлиги қайдланган, ўзгарувчан ва номаълум ёзувлар 
фарқланади. Ҳар қандай форматда ёзувларнинг калити бўлиши ёки бўлмаслиги мумкин. 
D ёзув 
С ёзув 
А ёзув 
B ёзув
4 
3 
1 
2 
Кўрсаткичлар массиви 
Асосий
массив 
Моделлаштирилаётган 
рўйхат 
С ёзув 
D ёзув 
В ёзув 
А ёзув 
Рўйхат боши
5.11-расм. Боғланган рўйхатни массив тузилмаси ёрдамида 
моделлаштириш 

---

125 
Фойдаланувчи-дастурчи учун қулай бўлган ёзувлар тавсифи (хусусан, ёзув узунлиги) 
аксарият ҳолларда ТХҚ ва оператив хотира (ОХ) ўртасидаги алмашинишларни ташкил 
этиш учун ноқулай бўлади. Мантиқий ёзувлар билан кўп миқдордаги алмашиниш 
киритиш-чиқариш буйруқларини талаб этади ва ТХ қурилмасининг хотира ҳажмидан 
фойдаланишни ёмонлаштиради.Шунинг учун ташқи элтувчига жойлаштиришда ёзувлар 
блоклар ёки жисмоний ёзувларга бирлаштирилади ва ТХҚ ва ОХ ўртасидаги алмашиниш 
блоклар билан амалга оширилади. Битта блокка бирлаштирилган ёзувлар миқдори блоклаш 
коэффициенти деб аталади. 
Маълумотларни блокларга бирлаштириш уларга мантиқий ишлов беришга таъсир 
этмайди. Ёзувлар блоки ТХҚ дан ОХ нинг махсус ажратилган соҳасига – буферга узатилади. 
Буферда жисмоний ёзув блокдан чиқарилади ва ишлов бериш учун ОХ нинг бошқа 
соҳаларига узатилади. Блокнинг энг катта ўлчами буфер ҳажми билан чекланади. Буфер худди 
навбат каби ташкил этилган. Буфер бўшагани сари унга кейинги жисмоний ёзув 
жойлаштирилади. Ишлов берилган мантиқий ёзувлар битта-битталаб буферга тушади. Буферда 
мантиқий ёзувларнинг блоклаш коэффициентига тенг бўлган маълум миқдори тўплангандан 
сўнг ҳосил бўлган жисмоний ёзувлар ТХ қурилмасига узатилади. 
Файл – бу тизимда ўз номи ва баёнига эга бўлган мантиқий боғлиқ ёзувлар 
мажмуидир. Файл номидан фойдаланиб унга бирлаштирилган маълумотларга мурожаат 
қилиш мумкин. Файл номи ва унинг тавсифлари махсус ёзувни бошқарувчида – файл