Microsoft Word 8-lekciya doc

Qan sorıwshı shıbınlar (Hyppoboscidae) tuwısı
wa`killerinin` yamasa qan sorıwshı eki 
qanatlılardın` praktikalıq a`hmiyeti ku`shli. Sebebi adamg`a ha`m haywanlarg`a topılatug`ın kesel 
qozdırıwshılarınan anau yamasa mınaw orınlarda ko`p tarqalg`anlıg`ı ha`mmege ma`lim.
Bulardın` du`zilisi haywanlar ju`ni, pa`ri arasında ha`reketleniwge iykemlesken. Denesi 
jalpaq ha`m ken` qanatları denesine tıg`ız tiyip turadı, ayaq tırnaqları o`tkir. Ayırım tu`rlerinde 
qanatları reduktsiyag`a ushırag`an olar uzın tumsıg`ı menen su`t emiziwshilerde ha`m quslar qanın 
sorıydı, a`sirese qoy shıbını, at shıbını, iyt shıbını ko`pshilikke belgili.
Qoy shıbını haywanlar qanının` kemeyip ketiwine terisinin` silekeyleniwine ha`m ju`nlerdin` 
to`giliwine sebep boladı.
Shıbınlarg`a qarsı gu`resiw ushın, xa`jetxanalardı ha`m shıg`ındıxanalardı tez-tez tazalap 
turıw lazım. Qurg`aq shıg`ındını jag`ıp taslaw kerek. Shıg`ındılardı komposlaw yamasa 
dezinfektsiyalawshı zatlar menen za`rersizlendiriw kerek.
Ashıq xa`jetxanalarda shıg`ındı u`stine so`ndirilmegen xa`k yamasa xlorlı xa`k sewip turıw 
kerek. Er jetken shıbınlardı joq etiw ushın imaratlarg`a insektitsidler menen islew beriw kerek. 
Shıbınlar jabısqaq qag`az ha`m shıbın tutqısh penen tutıladı. Adamlar awqatlanatug`ın 
ka`rxanalarda, azıq-awqat skladlarında, keselxana ha`m jataqxanalarda shıbındı pu`tkilley joq etiw 
kerek. Bunın` ushın olarg`a qarsı tu`rli insektitsidler: xlorofos, geksoxloran ha`m t.b. da`riler 
qollanıladı. Jaylardı ha`m azıq-awqat o`nimlerin shıbınnan saqlaw za`rur. Jaz waqıtlarında 
terezelerge siyle, sım tor tutıw, awqatlardın` ha`m ıdıslardın` u`stin jawıp qoyıw kerek.
Bular xalıq xojalıg`ı orınlarında ha`m ta`biyatta ken` tarqalg`anlıqtan bularg`a qarsı 
profilaktikalıq ilajlar ken` orınlarda alıp barılıp olardın` lichinkaları ha`m eresekleri joq etilgende 
g`ana joqarıdag`ı qarsı islengen ilajlar jaqsı na`tiyje beredi.