Microsoft Word 05 Kishlok xujalik mahsulotlar sifati va marketingi

 
2-chizmada.
 
Korxona faoliyati va rivojlanishining SWOT-tahlili 
 
Afzallik  va  Kamchiliklarni  aniqlashga  resurslar  va  imkoniyatlarning  tavsifi  yordam  beradi. 
Bunday  deyilganda  korxona  uchun  ijobiy  deb  baholashimiz  mumkin  boʻlgan  har  qanday  turli 
koʻrsatkichlar  va  kattaliklar  tushuniladi.  Masalan,  korxona  darajasida  bu  ilgʻor  yoki  eng  yangi 
texnologiyalar va «nou-xau»lar, ishlab chiqarish va boshqaruv xodimlarining tegishli tayyorgarligi, 
boshqarish va ragʻbatlantirish usullarini ishlab chiqish yoki zamonaviylashtirish. 
Korxona faoliyatining kuchli va kuchsiz tomonlarini tahlil qilishda jismoniy aktivlar (binolar, 
inshootlar,  asbob-uskunalar,  transport  vositalari,  tovar-moddiy  boyliklar,  qimmatli  qogʻozlar,  pul 
mablagʻlari),  bozordagi  imiji  (obroʻ-eʻtibor,  maqsadli  bozorda  korxonaning  obroʻsi)  va  mehnat 
resurslari (oliy va oʻrta boshqaruv xodimlari, malakali ishchilar) kabi koʻrsatkichlar audit qilinishi 
mumkin. 
Korxonaning  kamchiliklariga  qandaydir  resurslar  va  imkoniyatlarning  yetishmasligi  kirishi 
mumkin,  ayniqsa,  raqobatchilar  bilan  taqqoslaganda  kuchli  namoyon  boʻladigan  kamchiliklar. 
Korxonaning  imkoniyatlarini  korxona  uchun  umumiy  va  muayyan  tovar  bozoriga  nisbatan  olib 
qaraladigan ixtisoslashgan holda tasavvur qilish mumkin. 
Tahdidlar (xavf-xatarlar) toʻrt xil koʻrinishda boʻladi:    
1) korxona maqsadlarining muvaffaqiyatli amalga oshishiga qarshilik qiladigan;  
2) korxona strategiyasini amalga oshirish uchun zarur boʻlgan resurslarni koʻpaytiradigan;  
3) kutiladigan moliyaviy natijalar va rentabellikni yomonlashtiradigan;  
4) korxona strategiyasining bajarilish xavfi darajasini oshiradigan. 
Shunday qilib, korxona faoliyatining SWOT-tahlili korxona faoliyatini takomillashtirib borish 
uchun  asos  boʻlib  xizmat  qilishi  mumkin,  chunki  imkoniyatlar  va  afzalliklarni  oʻstirish  va 
kuchaytirish  kerak,  tahdidlar  va  kamchiliklarning  taʻsirini  kamaytirib,  ularning  salbiy  taʻsirini 
yoʻqotish  yoki  oʻz  afzalliklariga  aylantirish  kerak.  Buni  tashqi  kontur  —  2-chizmadagi
 
strelkalar 
koʻrsatmoqda. Korxona faoliyatining SWOT-tahliliga gipotetik misol 2-jadvalda keltirilgan. 
Marketing  nazoratining  koʻrib  chiqilgan  turlari  tashkilot  ichida  ham,  tashqarisida  ham 
funksiyalarni amalga oshirishni oʻz ichiga oladi. Shunga koʻra marketing nazoratining uch darajasi 
koʻrsatiladi: umuman korxonaning, marketing boʻlinmasining va tashqi nazorat.