Microsoft Word ЌТК ва М 1 кичоб. doc

Bosh bilan to’pni to’xtatish (54-rasm). To’p asosan peshonaning o’rta qismi bilan to’xtatiladi. O’yinchining dastlabki holati-kichik qadamda bo’lib to’pga tomon qarab turish. Oldinda qo’yilgan oyoqqa tana massasi o’tkaziladi. Bosh va gavda oldinga chiqarilgan (taxminan tayanch oyoqqacha). To’p yaqinlashgan sari tana massasi orqaga qo’yilgan oyoqqa o’tkaziladi hamda bosh va gavda orqaga engashadi.

43. 
    rasm
    

Tushayotgan to’pni bosh bilan to’xtatish (55-rasm). Dastlabki holat – oyoq uchlarida tik turish, oyoqlar elka kengligida ochilgan yoki kichik qadamda bo’lish. To’p tomon qarab bosh orqaga engashgan. Bosh to’pga tegish vaqtida engiluvchi harakat oyoqlarni tizzalarda bo’qib, boshini elka ichiga tortish hisobiga bajariladi.

43. 
    rasm
    

To’pni olib yurish. To’p oyoq kaftining uchi (56 a-rasm), ichki (56 b-rasm), o’rtasi (56 v-rasm) va tashqi (56 g-rasm) yuzasi bilan olib yuriladi. Bu texnik usulni qo’llashda futbol maydoni bo’ylab yugurib, oyoq panjalari kaftining ichki qismi bilan to’pni ketma-ket tepib olib yurishda amalga oshiriladi. Oyoq panjalari kaftining ichki qismi bilan to’pni olib yurish harakatining yo’nalishini keskin o’zgartirishga imkoniyat yaratadi.

43. 
    rasm
    

Tepadigan oyoqni to’p ustidan olib o’tib qochib ketish-fint (57-rasm). Bu fint usuli futbolchining oldida to’rgan o’yinchiga hujum qilishda qo’llaniladi. To’p
bilan bo’lgan o’yinchi o’zining tayyorlov harakatlari bilan chap tomonga yugurib o’tishni ko’rsatib chapga tashlanadi va o’ng oyog’ini to’p ustidan olib o’tadi hamda gavdasini chap tomonga buradi. Orqadagi raqib-o’yinchi to’pni ko’rmasdan bu harakatga binoan u ham chapga tashlanadi. Bu vaqtda to’p bilan bo’lgan o’yinchi tezda yo’nalishini o’zgartirib, o’ng tomonga buriladi va oyoq yuzasining tashqi qismi bilan oldinga uzatib qarama-qarshi tomonga (o’ng tomonga) to’p bilan ketadi.

43. 
    rasm