Мева-сабзавотларни етиштириш, қайта ишлаш ва сотишнинг маркетинг стратегиясини ишлаб чиқиш 1

Таъминот логистикаси: Таъминот логистикаси материал ресурсларини 
расмийлаштириш, ҳисоб-китоб қилиш ва етказишга буюртма олишни 
таъминлайди. У етказиб берувчиларни саралаш, материални етказиш бўйича 
каналларни танлаш, етказиб берувчилар билан ўзаро ишлаб чиқариш шароитлари 
каби вазифаларни ҳал этади.

---

«Мева-сабзавотларни етиштириш, қайта ишлаш ва сотишнинг 
маркетинг стратегиясини ишлаб чиқиш»
 
93 
Замонавий логистика принциплари материални талаб бўйича етказиб бериш, 
узоқ муддатли нархлар, етказиб берувчида ўз-ўзини сертификациялаш, унча катта 
бўлмаган партияларда етказиб бериш, коммуникациялар тармоғида компьютер 
орқали ўзаро алоқада бўлишда етказиб берувчи билан ҳамкорликда (ҳамкорликдаги 
лойиҳалар, ҳамкорликда конструкциялаш) фаолият кўрсатишни назарда тутади.
Ишлаб чиқариш логистикаси: Ишлаб чиқариш логистикасининг асосий 
кўрсаткичлари ишлаб чиқариш жараёни вақти (буюртма келиб тушган вақтдан 
тайёр маҳсулотни буюртмачига топширгунча кетган вақт) ва маҳсулотни тайёрлаш 
вақти (ишлаб чиқаришга материал ресурсларининг келиб тушган вақтидан корхона 
омборига тайёр маҳсулотни бергунгача кетган вақт) ҳисобланади. Бу 
кўрсаткичларга ишлаб чиқариш операцияларига, операциялар орасидаги 
тўхталишларга, тайёргарлик кўриш ва пардозлаш ишларига кетган вақт таъсир 
кўрсатади.
Транспорт логистикаси: Ташиш – бу товар (юк)ни транспорт воситаси 
ёрдамида бир пунктдан бошқасига кўчириш (қайта жойлаштириш) ҳисобланади.
Юкларни ички ташишга қуйидагилар киради:

бошланғич материални омбордан иш жойига ташиш; 

ярим маҳсулот ва ярим фабрикатларни цехларо ташиш; 

юкларни саралаш, партия ҳосил қилиш учун омборхона ичида 
жойлаштириш (кўчириш); 

ярим фабрикатларни цехлар ичида жойлаштириш; 

тайёр маҳсулотни омборхонага ташиш. 
Завод ичида ташиш ишларини амалга ошириш учун автомобил ва темир йўл 
транспорти, транспортёрлар, рольганглар, конвейерлар, лифтлар, кранлар, 
аравалар, 
каралар 
ишлатилади. 
Логистика 
тизими 
логистикаси 
автоматлаштирилган. Унинг асосий вазифаси – ҳаракатлар йўналиши ўзгарганда 
мослашиш, товарни жойлаштиришнинг юқори тезлиги, операция майдонида кам 
талабчанлик, масофадан бошқаришни таъминлашдан иборат.
Ташқи ташиш товарни ўз вақтида етказиб келиш ва унинг 
сақланувчанлигини таъминлашдан иборат. Ташқи ташишнинг асосий вазифаси 
қуйидагилар: транспорт воситасини, ташиш йўналишини, етказиб бериш 
партиясини танлаш, етказиб бериш графигини аниқлаш ҳисобланади. Корхонанинг 
ташқи ташиш тизими бошқа шунга ўхшаш корхоналарнинг тизимларига умумий 
транспорт алоқа йўли билан боғланган. Бу автомобил ва темир йўллар, ҳаво 
йўналишларининг транспорт оқимлари ўзаро таъсирини ҳисоблашни талаб этади.