Metrologiya va standartlashtirish

ISHNING MAZMUNI:

Fizik nuqtai nazardan olganda reverberasion kamera devorlarida yutilib qolgan tovush tebranishlari bevosita kameraning diffuziyalangan darajasini ko’rsatadi, binobarin, bunda kameraning devorlari maxsus akustik materialllar bilan jixozlangan bo’lishi kerak, aks holda sifatli diffuziyalangan tovush maydonini hosil qilib bo’lmaydi. Ikkinchi tomondan kameradagi tovushning diffuziyalanganlik darajasi tovush manbai vositasida hosil qilinayotgan tovush tebranishlarining chastotasiga ham bog’liq bo’ladi va bu tovush chastotasi toza tonlardan iborat bo’lishi kerak, binobarin, bu holat o’lchash aniqligini ham baholaydi.

Yuqoridagilardan kelib chiqqan holda reverberasion kameralar turli xil geometrik o’lchamlarga ega bo’ladi. Diffuziyalangan tovush maydonida tovush bosimi darajasining taqsimlanishi reverberasiya vaqtiga bog’liq bo’lib, bu vaqtning kamayishi tovush tebranishlarining bosimi kamligidan darak beradi, aks holda tovush tebranishlarining bosimi yuqori bo’ladi.