42
10-Ma’ruza. МIS ISHLAB CHIQARISHNING ZAMONAVIY AHVOLI
Reja:
1.
Mis saqlovchi dastlabki xom ashyoni qayta ishlash usullari va
texnologiyasi.
2.
Mis ishlab chiqarish jarayonlarining texnologik sxemalari.
3.
Mis ishlab chiqarishda zamonaviy va yangi texnologiyalar.
Rangli metallurgiyaning etakchi yo‘nalishlaridan biri bu mis sanoatidir.
Misning ishlab chiqarilishi doim oshadi va shu bilan birga
mis ishlab chiqarish
texnologiyasi doimo takomillashib bormoqda. Kelajakda mis ishlab chiqarish
xajmini, metallurgik qayta ishlashga yangi turdagi xomashyolarni jalb qilish,
undan foydalanishning kompleksligini oshirish va zamonaviy texnologiy va
apparatlardan keng foydalanish hisobiga oshirish mumkin.
MDH davlatlarida ko‘pgina yirik mis tarkibli rudalar konlari zahiralari
bazasida Norilsk, Jezkazgan, Balxash va Olmaliq kon-metallurgiya kombinatlari
o‘z faoliyatini olib borishmoqda.
Metallik mis olish maqsadida, turli ko‘rinishdagi mis tarkibli xomashyolarni
qayta ishlash uchun, piro- va gidrometallurgik usullardan foydalaniladi.
Dunyoda ishlab chiqariladigan misning 85%
pirometallurgik usullar
yordamida olinadi. Gidrometallurgik usullardan, asosan issiq iqlimli davlatlarda
foydalaniladi, chunki u yerda katta ishlab chiqarish binolarini qurmasdan,
jarayonni ochiq uskunalarda olib borish imkoniyati mavjud. MDH davlatlarida,
gidrometallurgik usullar yordamida ishlab chiqariladigan misning ulushi 1% dan
kam.
Pirometallurgik texnologiya o‘z ichiga, xomashyo materiallarini (ruda va
boyitma) qayta ishlab homaki mis, keyinchalik uni rafinirlash jarayonlarini oladi.
Pirometallurgik texnologiyalarni qo‘llab qayta ishlanayotgan mis ruda va
boyitmalar
tarkibining tahlili natijasida, ko‘rish mumkinki, xomashyo asosan mis
va temir sulfidlari va bo‘sh poroda minerallaridan tashkil topgan. Shundan ko‘rinib
turubdiki, mis pirometallurgiyasining yakuniy maqsadiga (homaki mis olish),
temir, oltingugurt va bo‘sh porodalarni texnologiyaning tegishli mahsulotlariga
o‘tqazish yo‘li bilan erishish mumkin. Pirometallurgik jarayonlarni qo‘llashda,
qayta ishlanayotgan xomashyoning kompleksligini inobatga olish zarur, ya’ni
chunki mis bilan birga barcha qimmatbaho yo‘ldosh elementlarni imkon darajada
ajratib olish zarur.
Texnologiyaning asosiy vazifasi (temir va oltingugurtni yo‘qotish) uch
bosqichda oksidlash (kuydirish, eritish, konverterlash) (III), ikki bosqichda (eritish,
konverterlash) (I, II), va hatto bir bosqichda (homaki misgacha eritish) (IV) yo‘li
bilan amalga oshirilishi mumkin.
Boyitmani homaki misgacha to‘g‘ridan-to‘g‘ri eritish yo‘lidan
tashqari,
misni olish texnologiyasi ko‘p bosqichlik bilan tavsiflanadi. Ko‘p bosqichli
jarayonda har bir ketma-ket olib boriladigan texnologik jarayonda, bo‘sh porodani,
temir va bir qator elementlarni yo‘qotish hisobiga misning konsentratsiyasini
(miqdorini) oshirib borishmoqda.
43
Ohirgi yillarda rafinirlangan mis olishning eng keng tarqalgan texnologiyasi,
o‘z ichiga quyidagi majburiy metallurgik jarayonlarni oladi: shteynga eritish, mis
shteynnini konverterlash, olovli va elektrolitik rafinirlash. Ayrim hollarda shteynga
eritishdan oldin, sulfidli xomashyo dastlabki oksidlovchi kuydirish usulida
kuydiriladi.
Shteynga eritish – sulfidli mis ruda va boyitmalarini qayta ishlashning asosiy
texnologik jarayonidir.
Mis ruda va boyitmalarni shteynga eritishning ko‘p ko‘rinishi mavjud, ular
bir – biridan texnologik xususiyatlari va dastgohlari bilan farq qiladi.
Hozirgi kungacha,
mis ishlab chiqarish sanoatida, sulfidli mis tarkibli
xomashyoni mis shteynigacha eritishda, yallig‘-qaytaruvchi pechlarda eritish,
elektrik (rudatermik) pechlarda eritish usularidan qo‘llanib kelinmoqda.
Shunindek, ayrim mis ishlab chiqarish korxonalarida, mis rudalarini qayta
ishlashning eng
eski usullaridan hisoblanuvchi, minorali pechlarda eritish ham
qo‘llanilmoqda.
Yuqorida keltirilgan shteynga eritish usullari ko‘p hollarda zamonaviy
metallurgik jarayonlar talablariga javob bermasligi sabali, hozirgi kunda sulfidli
mis xomashyolarini qayta ishlash texnologiyalarining rivojlanishi,
texnologik
jixatdan mukammal va tejamkor hisoblanuvchi, avtogen jarayonlarni qo‘llash
yo‘nalishida bormoqda.
Avtogen jarayonlarning asosida sulfid minerallar yonishi natijasida hosil
bo‘ladigan issiqlikdan foydalanish yotadi, shu sababadan mis metallurgiyasida
avtogen jarayonlar qo‘llanilishi katta iqtisodiy samara bermoqda. Xususan, mis
metallurgiyasida, avtogen jarayonlarni qo‘llash kuydirish,
shteynga eritish va
qisman konverterlash jarayonlarini bitta texnologik siklda yoki bitta dastgohda olib
borish imkoniyatini beradi. Shunindek, avtogen jarayonlarni qo‘llash, qayta
ishlanayotgan xomashyodan kompleks foydalanish darajasini oshirish, tashqaridan
qo‘shimcha yoqilg‘ini sarflamaslik imkonini beradi.
Do'stlaringiz bilan baham: