Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

BCHX (BCH) kodlaridan bir turi Rid - Solomon(Reed-Solomon) kodlaridir. Ular zamonaviy raqamli televideniye tizimlarida xalaqitbardoshlikni oshirishda qo‘llanadilar. Bu kodlar ikkilikmas kodlarga kiradi, chunki ularning simvollari ko‘p razryadli ikkilik sonlar, baytlar bo‘lishlari mumkin. Yevropaning DVB raqamli televideniyesida Rid - Solomon kodi ishlatiladi va (204, 188, 8) ko‘rinishda yoziladi, bu yerda:
188 - MPEG - 2 transport oqimi paketidagi axborot tashuvchi baytlar soni;
204 - tekshiruvchi simvollar qo'shilgandan so‘ng paketda paydo bo‘lgan baytlar soni;
8 -kod kombinatsiyalari orasidagi mumkin bo‘lgan minimal kod masofasi.
Shunday qilib, kod kombinatsiyasi sifatida transport oqimining butun paketlari, ya’ni axborot tashuvchi 188x8=1504 bitlar va ularga qo'shimcha 16x8=128 tekshiruvchi bitlar simvollari olinadi. Bunday kodning nisbiy tezligi 0,92. Rid - Solomon kodi har bir transport paketidagi xatolik bilan qabul qilingan baytlarning 8tagacha xatoliklarini samarali to‘g‘irlashga imkon beradi.
Raqamli televizion eshittirishlarda qo‘llanadigan Rid - Solomon kodi ba’zida qisqartirilgan nomi bilan ham yuritiladi. Gap shundaki, Rid - Solomon teoriyasidan kelib chiqqan holda, agar kod simvoli bayt bo‘lsa, unda kodli so‘zning uzunligi 255 baytni (239 axborot tashuvchi va 16 tekshiruvchi) tashkil etishi lozim.
Ammo MPEG - 2 transport oqimining paketi faqat 188 baytdan iboratdir. Shuning uchun paket o‘lchamini(baytlarini) kod parametrlari bilan moslashtirish uchun kodlashdan avval har bir transport paketining boshida 51ta nollik axborot baytlar qo'shiladi, kodlashdan keyin esa qo'shilgan qo'shimcha nolli baytlar olib tashlanadi.
Qabul qilgichda esa, 204 baytdan iborat, har bir qabul qilingan transport oqimi uchun sindromlar (to‘g‘irlovchi vektorlar) hisoblanadilar va ikkita polinomlar topiladilar:
“Lokator” ildizi xatolarning joylashishini ko‘rsatadi va “korrektor” (evaluator) xatolar qiymatlarini beradi. Bunda mumkin bo‘lsa xatoliklar tuzatiladi.
Agar korreksiya qilish mumkin bo‘lmasa (misol uchun xato baytlar 8dan ortiq), unda paketdagi ma’lumotlar (axborotlar) o‘zgartirilmaydi va paket esa maxsus bayroqcha bilan belgilanadi (sinxro baytdan keyingi birinchi bit), ya’ni xatoni tuzatib bo‘lmaydi degan ma’noda. Ikkala holatda ham 16ta ortiqcha baytlar olib tashlanadi va dekodlangach transport paketining uzunligi yana 188 baytga tenglashadi.