Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

5.2. Oralatish va Skremblerlash

Paketli xatoliklarni tasirini samarali yo‘qotish usulidan biri bu oralatish yoki aralashtirish (inglizcha - interleaving- o‘zbekcha - aralashtirish) dir. Ma’lumot aloqa kanali orqali uzatishdan oldin kerakli tartibda joylashtiriladi, qabul tomonda esa joy - joyiga qo'yilib, tiklanadi yoki qayta oralatish amalga oshiriladi. Bunday holda paketli xatolar, bo‘laklangan yakka xatolarga aylanadi va ularni oson aniqlanish imkoniyati yaratiladi hamda xatoni aniqlovchi kodlar yordamida tuzatiladi.

Oralatish va qayta oralatishlar 5.1- rasmdan keltirilgan. Dastlabki raqamli signal ikkilik so‘zlarining to‘rt razryadli ketma - ket uzatiluvchi bitlaridir (5.1, a-rasm).

5.1- rasm. Oralatish va qayta oralatish

16 bitdan iborat kesimda raqamli signal oralatiladi. Sonlar bu kesimdagi bitlarning nomerini ko‘rsatadi. Oralatish tasirida bitlarning joyi o‘zgaradi (5.1, b- rasm). Malumot blokida yulduzchalar bilan belgilangan nisbatan uzun xatoliklarni hosil qiluvchi xalaqitlar, paketli xalaqitlar paydo bo‘ladi. Qayta oralatish natijasida xatoliklar har xil ikkilik so‘zlarga o‘tib ketadi va dastlabki signal tiklanish jarayonida paketli xatoliklar yo‘qoladi (5.1, v -rasm). Shunday qilib ayrim bitlarni emas balki bitlar guruhini yoki baytlarni ham almashtirish mumkin.

Raqamli televideniyening DVB standartida oralatish, Rid - Solomon (keyingi bo‘limlarida kengroq beriladi) kodlanishdan so‘ng, transport oqimi paketlari doirasida amalga oshiriladi. Natijada paketlarning hajmi 188 dan 204 baytgacha kattalashadi. Har bir paket 17 baytdan iborat 12 guruhga bo‘linadi. Dastlab hamma guruhning birinchi baytlari (1, 18,..,171, 188), so‘ngra guruhlarning ikkinchi baytlari (2,19,...,172, 189) va h.k. lar uzatiladilar. Oxirida guruhlarning so‘ngi baytlari (17, 34,...,187, 204) uzatiladi. Shunday qilib, oralatish jarayonida,transport oqimi paketi doirasida, har xil baytlar 0 dan 176 pozitsiya oralig‘ida aralashib ketadilar.Eng asosiysi qabul qilish tomonida hamma baytlar ketma ketligi tiklanadi. Oralatish uzatilayotgan signallarni sanksiyasiz (ruxsatsiz) kirishdan saqlashda ishlatilishi qulay, chunki tiklash va dastlabki holatga qaytarish va o‘rin almashtirish qonunlarini bilgan holdagina amalga oshirilishi mumkin.
Skremblerlash. MPEG - 2 standartida, ma’lumotlarni ruxsatsiz kirishga va olishga yo‘l qo'ymaydigan, axborot oqimining (video, audio va boshqalar) xarakterini o‘zgartirilishiga skremblerlash deyiladi.