Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

Qayta skremblerlash esa skremblerlashning teskarisidir, ya’ni qayta tiklash operatsiyasidir. Raqamli televizion tizimlarda skremblerlash asosan randomizatsiya (tasodifiylikni tashkillashtirish) uchun qo‘llaniladi.
Randomizatsiya raqamli signalni kvazitasodifiyga almashtirishni amalga oshiradi va ikkita vazifani yechishga yordam beradi:
1. Uzun nollar yoki birlar guruhlarini, raqamli signallar tarkibida ko‘plab paydo bo‘luvchi qiymatlar farqi shaklida hosil qilishdir, bu esa uning tarkibidan takt impulslarini ajratishni osonlashtiradi (bu xossa o‘z navbatida o‘z o‘zini sinxronizatsiya qilish deyiladi)
2. Randomizatsiya radiosignal uzatilishida uning energetik sathini tekislashni taminlaydi, chunki tasodifiy shovqinning spektr bo‘yicha quvvat taqsimoti chastota o‘qi bo‘ylab bir xil. Shuning uchun ham signalni kvazitasodifiy signalga o‘tkazish spektrni tekislashga yordam beradi. Chastota diapazonidagi spektrning bir xil qiymatliligi uzatish qurilmasining samaradorligini oshiradi va raqamli televideniyening analog televizion tizimlarga ta’sirini, xalaqitlarini kamaytiradi.
Skremblerlash uchun uzatilayotgan raqamli signalga qo'shimcha “xalaqit beruvchi” signal, ya’ni psevdotasodifiy ketma-ketlikdagi (PTKK) signal qo'shiladi. Psevdotasodifiy ketma-ketlik signali sifatida maxsus generator ishlab chiqaradigan signal ishlatiladi. Amaliyotda randomizatsiyalash modul 2 bo‘yicha qo'shish amali orqali bajariladi, ya’ni raqamli ma’lumotlar oqimi “YOKI ni yo‘qotuvchi” man'tiqiy operatsiyalar (XOR) va ikkilik psevdotasodifiy ketma - ketlik PRBS (Pseudo Random Binary Sequence) larning qo'shilishi orqali amalga oshiriladi. Bu bitlar ketma ketligi, ko‘p tomondan tasodifiy signallar xususiyatiga ega.
Nollar va birlar PTKK(psevdotasodifiy ketma-ketlik)da xaotik holatda joylashgandek bo‘lsada, haqiqatda esa, har bir PTKK algoritm asosida shakllanadi va ular uncha ko‘p bo‘lmagan parametrlar bilan ifodalanadi.
Buning uchun qabul qilish tomoniga xuddi shunday PTKK ni hosil qiluvchi algoritm uzatiladi, agar shunday qilinmasa qabul qilingan signalni deskremblerlash mumkin emas.