Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

4.4. Televideniye eshittirish standarti- MPEG-2

MPEG-2 standarti televideniye eshittirish tizimlari uchun maxsus ishlab chiqilgan bo‘lib, 10 ta qismdan iborat. Birinchi qism 1994 yilda, oxirgisi esa 1999 yilda taqdim etilgan. MPEG-2 standarti MPEG-1ning ancha yaxshilangan va takomillashtirilishi yanada murakkablashgan, tuzilmasida raqamli oqimning I, P va B kadrlaridan foydalaniladigan ko‘rinishidir.

MPEG-2 standarti raqamli yo‘ldosh, kabel va yer usti televideniyesida faol qo‘llaniladi.
MPEG-2ning tarkibiy 10 qismidan 3 ta asosiylarini ajratib olish mumkin: 13818-1 - tizimli, 13818-2 - Video, 13818-3 - ovozli.
Tizimli qism- standartning ovoz, video va boshqa axborotlarni multipleksirli (umumlashtirilgan) kodlash formatini ifodalaydi, shuningdek, bir yoki bir necha ma’lumotlar oqimini saqlash yoki uzatishga yaroqli bitta yoki bir necha oqimlarga biriktirish masalalarini xal etadi.
Tizimli qism- beshta asosiy vazifalarni bajaradi:

• 
  Tiklanish vaqtida bir necha siqilgan oqimlar sinxronizatsiyasini ta’minlash;
  
• 
  Bir necha siqilgan oqimlarni umumiy oqimga birlashtirish;
  
• 
  Tiklanish boshlanishi uchun initsializatsiyalash (boshlang‘ich ko‘rsatgichlarni o‘rnatish);
  
• 
  Buferga xizmat ko‘rsatish;
  
• 
  Vaqt shkalasini(tizim vaqtini) aniqlash.
  

Video qism -standartning yuqori sifatli raqamli video uchun kodlangan bitli oqimini xarakterlaydi. MPEG-2 formati MPEG-1ning barcha ish rejimlarini qo‘llab- quvvatlaydi, yana qo'shimcha satrlararo videoformatni va yuqori aniqlikdagi televideniye (YUAT) hamda stereo televideniyeni qo‘llash imkoniyatlariga ega.
Tovush qism- MPEG-2 standartining ko‘p kanalli ovozni kodlanishini belgilaydi. MPEG-2 beshtagacha to‘liq keng kanalli polosalarni, unga qo'shimcha past chastotali kanalni va 7 tagacha ko‘p tilli kommentator (yoki tarjimon) kanallarini qo‘llab quvvatlaydi. Undan tashqari 64 Kbit/s uzatish tezligida monofon va stereofon ovoz signallarining yangrash sifatini yaxshilash uchun diskretlash chastotasining yarim qiymati (16; 22,05 va 24 kGs) qo‘llanilishi mumkin.