4.4.1. MPEG-2 standartida tasvirlarga ishlov berish
MPEG-2 standarti televizion signalni o‘zaro bir biriga mos, turli murakkablikdagi algoritmlar bilan raqamli siqishning standart guruhchalari oilasini ifodalaydi. Ularni mosligini tatbiq etish uchun profil (ko‘rinish) va sathlar (qiymatlar) qonunlari qo‘llaniladi.
Standart 5 ta profildan iborat:
oddiy (simple) - video oqimlarni V-kadrlarsiz siqish;
bosh (main) - ishning barcha bosqichlarini ta’minlash uchun, lekin masshtablanishsiz;
signal/shovqin (SNR scalable) munosabati bo‘yicha masshtablanish;
xududiy (fazoviy) masshtablanish (spatiallyscalable);
professional (professional 4:2:2)- fazoviy masshtablanuvchi va signal/shovqin (SNR scalable) munosabati bo‘yicha ifodalanish.
Bunda MPEG-2 makroblok uchun DKO‘ning ikkita tipi: kadrli va maydonli bo‘linishni aniqlaydi. Kadrli DKO‘ MPEG-1 bilan bir xil ishlaydi, bu yerda 16x16 piksel o‘lchamli yorug‘lik sanog‘i bloki joylashuviga mos holda 8x8 pikselli 4 ta blokka bo‘linadi.
Maydonli DKO‘ tepa tomondagi ikkita blok uchun yuqori maydonning 8 ta qatorini, quyi bloklar uchun pastdagi maydonning 8 ta qatoridan foydalaniladi, shu taxlit 4.15-rasmda ko‘rsatilganidek makroblokning yuqori va pastki maydonlari hosil qilinadi. Ushbu vaziyatda rangfarq bloklar faqat tepa tomondagi maydonga tegishli hisoblanadi. Maydonli DKO‘ maydonlar orasidagi mavjud farq qancha katta bo‘lsa,samara shuncha yuqori bo‘ladi va misol uchun, vertikal bo‘ylab harakatlanishda. Kadrli DKO‘ tasvirning mayda detallarini yaxshiroq uzatish imkonini beradi. Bunda ikkala o‘zgartirish turi ham bitta video ketma-ketlikda qo‘llanilishi mumkin. Ikkita kadr sifatida kodlanuvchi kadrlar har doim maydonli DKO‘dan foydalanadilar, kadrli kodlash esa, makroblok bir bosqichidan boshqasiga o‘tishni qo‘llagan holda, DKO‘ning ikkala ko‘rinishidan ham foydalanish imkonini beradi.
Satrlararo tasvirlarga ishlov berish bashorat jarayoniga ham sezilarli o‘zgartirishlar kiritadi. Kadrli bashorat xuddi MPEG-1dagi kabi joriy va tayanch kadrlarda 16x16 pikselli makrobloklarning eng mukammal moslikligini baholaydi.
Maydonli bashorat avvalgi ikkita maydon va joriy maydonlardan olinganlar ichidan 16x16 pikselli bloklar uchun eng mosini (yaxshisini) tanlaydi. DKO‘dagi kabi maydonli kodlashda faqat maydonli bashoratdan foydalanishi mumkin, kadrli kodlashda esa imkoniyatlar keng, chunki u ham kadrli ham maydonli bashoratdan foydalanishi mumkin. Oxirgi holatda makroblokning alohida yuqori va quyi maydonlari mosligi tayanch kadrning ikkita maydonidan yaxshi natijani tanlagan holda qidiriladi.
4.15-rasm. Maydonli DKO‘da makroblok maydonlarining shakllanishi
Harakat kompensatsiyasining yuqori aniqligini makroblokning ikkita maydonga bo‘linishi ta’minlaydi. Bunda 16x8 piksel o‘lchamli makroblok yuqori va quyi maydonlari uchun alohida ikkita ko‘chish vektori shakllanadi, ular dekoderga yanada aniqroq tasvirni tiklash uchun uzatiladi.
Do'stlaringiz bilan baham: |