Меҳнат таълими ўҚитувчисининг дарсга ва ўҚув йилига тайёргарлиги. Режа

МЕҲНАТ ТАЪЛИМИ ЎҚИТУВЧИСИНИНГ ДАРСГА ВА ЎҚУВ ЙИЛИГА ТАЙЁРГАРЛИГИ.
РЕЖА:
1. Умумий ўрта таълим мактаблари ўқитувчисининг ўз фани юзасидан умумий тайёргарлиги.
2. Мактаб ўқитувчисининг дарсга кундалик тайёргарлик кўриши ва унинг босқичлари.
3.Касбкорлик сифатлари.


МАЪРУЗА БАЁНИ.

Мустақиллик йилларида юртбошимиз раҳнамолигида таълим-тарбия сифати ва самарадорлигини замон талаблари даражасига кўтариш давлат сиёсатининг устувор йуналишларидан бирига айланди. Бунинг учун давлат умуммиллий дастурлари доирасида барча шароитлар яратилди. Жумладан 2004-2009 йилларда 8501 та мактаблар янгидан қурилди, реконструкция қилинди ва мукаммал таъмирланди. Улар замонавий ўқув мебеллари, компьютер синфлари ҳамда лаборатория асбоб-ускуналари билан жиҳозланди.

Бугунги кунда илм-фан, техника ва ишлаб чиқариш соҳаларининг тез суръатларда жадаллик билан ривожланиши таълим тизими ходимларидан таълим-тарбия сифатини мазмун жиҳатидан янги босқичга кутаришни талаб этиб, ҳар бир тизим ходими, айниқса ўқитувчилар зиммасига янада юксак масъулият ва вазифаларни юклайди.
Таълим-тарбия тизимининг бугунги кундаги асосий вазифаси ўқувчиларни Ватанимизни севадиган, ўз билими ва истеъдодига суянадиган ҳамда мустақил равишда замонавий ахборот-коммуникация технологияларидан фойдаланган ҳолда билим оладиган қилиб тарбиялашдан иборат. Мазкур вазифалар самарали дарслар орқали амалга оширилади.
Ўқитувчининг дарсга пухта тайёргарлиги таълимнинг муваффақиятли ва самарали бўлишининг гаровидир.
Дарс - бу синфда аниқ мақсадларни кузлаб, белгиланган вақт оралиғида ўқитувчи раҳбарлигида ўқувчилар учун ўқув-тарбия жараёнининг ташкил этилишидир.
Шундай экан, ҳар бир ўқитувчининг энг биринчи асосий вазифаси сифатли ва мазмунли дарс утиб, яхши таълим-тарбия бериш эканлигини, дарснинг муқаддаслигини масъулият билан англаши лозим.
Ўқитувчининг дарсга тайёргарлиги шартли равишда қуйидаги икки босқичдан иборат бўлиб, биринчи босқич ўқитувчининг ўз фани юзасидан умумий тайёргарлиги, иккинчи босқич эса ўқитувчининг ўз фани юзасидан ҳар бир дарсга кундалик тайёргарлигидан иборат.