Меҳнат таълими ўҚитувчисининг дарсга ва ўҚув йилига тайёргарлиги. Режа

Биринчидан, қўлланмада ўқув дастурини бажариш учун етарли минимум материал баён қилинган.
Иккинчидан, қўлланмада ўқув материали ўқувчиларнинг умумий ривожланишига ва уларнинг фан асосларидан олган билимларга мос савияда баён қилинади, бу ўқитувчига ма­териални ўқувчиларга тушунарли баён қилишга тайёрлани­шида ёрдам беради.
Ўқитувчининг дарсга тайёрланишида илғор мактабларнинг тажрибалари умумлаштирилган методик адабиёт билан танишиш катта аҳамиятга эга. Методик адабиётда таълим-тарбия жараёнини ташкил этишга, иш объектларини танлашга ва меҳнат дарсларида ўқув топшириқларини бажариш билан боғлиқ бошқа ҳамма масалаларга доир тавсиялар берилади.
Илғор ўқитувчилар методик адабиёт янгиликларини мунтазам кузатиб борадилар, улардаги тавсияларни ўрганадилар ва улар­ни ўз иш фаолиятларида амалда қўллаб борадилар. Бошқа фан ўқитувчиларнинг тажрибаларини бевосита ўрганишнинг ҳам аҳамияти кам эмас. Ҳар бир туманда ўқув вазифаларини бажаришда катта муваффақиятларга эришаётган меҳнат ўқитувчилари бор. Уларнинг баъзилари ўқувчиларда пухта, сифатли малакаларни шакллантиришга эришмоқда, баъзилари ўқувчиларни билимлардан меҳнатда фойдаланишни ўргатмоқда, яна баъзилари машғулотларни ташкил қилишнинг ҳар хил формаларини қўшиб олиб боришга муваффақ бўлмоқда ва ҳоказо. Умумий ўрта таълим мактабларида фаолияткўрсатувчи методбирлашмалар очиқ дарслар ташкил қилади, ўз мажлисларида ўқитувчиларнинг хисоботларини эшитади. Қатор вилоятларда наъмунали дарслар ташкил этиш тажрибаси йўлга қўйилмоқда, бу таълим-тарбия жараёни самарадорлигини юқори босқичга кўтариш муаммолари ҳал этмоқда.
Наъмунали дарсларни ташкил этиш ёки иштирок этиш ўқитувчининг дарсга методик тайёрланишинннг формаларидан биридир.
Ўқитувчига машғулотлар бошлангунга қадар ўқувчиларга меҳнат топшириғи сифатида белгиланадиган объектни мустақил тайёрлаш тавсия қилинади. Бу иш методик нуқтаи назардан бир қанча сабабларга кўра муҳимдир.
Биринчидан, меҳнат усулларини мукаммал эгаллаганини на шахсан намуна бўлишини кўрган ўқувчилар назарида ўқитувчининг обрўси ортади.