Меҳнат таълими ўқитиш методикаси фанидан

Умумлаштириш дарси тафсилотларини ёритиш тартиби:
Умумлаштириш дарсининг таркибий тузилмаси қуйидаги босқичлардан
иборат бўлиши мумкин.

0. 
   Назарий материални ёдга олиш: олдинги дарсда ўрганилган назарий материал қисқача такрорланади, савол-жавоб ва уйга берилган вазифаларни таҳлил қилиш орқали эсга олинади;
   

0. 
   Умумлаштириш: янги билимларни такрорлаш орқали орттирилган билимлар тузумига киритиш, умумлаштириш;
   

0. 
   Дарсга якун ясаш ва уйга вазифа.
   

Ривожлантирувчи назорат дарси тафсилотларини ёритиш тартиби:
Ривожлантирувчи назорат дарсининг таркибий тузилмаси қуйидаги

босқичлардан иборат бўлиши мумкин.

0. 
   Йўл-йўриқ бериш: бу босқичда ўтказилаётган назорат иши топшириқларини бажаришга оид кўрсатмалар берилади;
   

0. 
   Назорат ишини бажариш: бу босқичда ўқувчиларнинг топшириқларни қандай бажараётгани кузатилади. Кези келганда у ёки бу топшириқни бажариш бўйича йўналиш бериш мақсадга мувофиқ бўлади.
   

0. 
   Назорат иши таҳлили: бу босқич ҳам янги мавзуни ўзлашриришнинг давоми бўлиб, уни ўтказиш мажбурий ҳисобланади. Чунки, назорат иши дарсида ўқувчилар ҳар қачонгидан ҳам фаолроқ бўладилар. Уларни диққатини жамлашга ҳам ҳожат қолмайди. Уларни топшириқларни тўғри ёки нотўғри бажарганликларини билишни хоҳлайдилар. Бундай ҳолатдан албатта фойдаланиш керак. Одатда у алоҳида дарсдан иборат бўлиб, унда назорат ишига киритилган топшириқлар ечими таҳлил қилинади, хатолар устида ишланади, типик масалалар ўқувчилар томонидан доскада ечилади. Масалаларнинг атрофлича таҳлил қилинишига эътибор бериш керак, чунки ўқувчилар олдинги дарслар давомида тушунмаган нарсаларини шу дарсда билиб олишлари ҳам мумкин. Шу боис, бу дарс назорат дарси деб аталсада, унда ҳам ўқувчилар ўзлаштира олмаган билимларни ўрганадилар, тўлдирадилар ва ўз билимларини ривожлантирадилар.