Меҳнат муҳофазаси. Техника ҳавфсизлиги ва санитария гигиена қоидалари

9-мавзу Соф қиймали гўшт таомларини тайёрлаш технологияси.
Қиймаланган гўштдан (мол, қўй, чўчқа, бўзоқ гўштлари) табиий ҳамда он қўшилган (котлет массаси) маҳсулотлар тайёрланади. Қиймаланган гўштли маҳсулотларни узатишдан олдин қовуриш тавсия этилади. Тайёрланган ярим тайёр маҳсулотлар икки томони қовурилгунча пиширилади ва 5-7 минут давомида қовуриш шкафида тайёр бўлгунча пиширилади. Қовуриш давомийлиги 8-10 минутни ташкил этади. Қовуришда котлет ва биточки маҳсулотлари 19%, қиймаланган бифштекс 30% ўз массасини йўқотади. Қиймаланган табиий гўшт маҳсулотларига бифштекс ва қиймаланган филе гўшти киради. Қиймаланган бифштекс ҳам худди табиий филе гўштдан тайёрланган бифштекс каби узатилади. Филе гўшти кичик ликопчага солинади ёнига қовурилган картошка ёки мураккаб сабзавотли қайла қўйилади. Филе гўштига томатли ёки пиёзли қизил ва корнишонли сардак қўйилади. Таом салат кўкатлари билан безатилади. Котлет ва биточқилар икки томони қизаргунча қовурилади ва 4-5 минут давомида қовуриш шкафида пиширилади. Узатишда кичик ликопчага қайла (қовурилган ва қайнатилган картошка, сутли сардак, мураккаб сабзавотлар) солинади. Сўнг котлет терилади ва устига саригёғ ёки сардак (қизил, томатли, пиёзли қизил) қўйилади. Биточқиларни сметанали сардакда томат аралаштирилган гурунч билан пишириш мумкин. Гўштли шницель ва қиймаланган зразалар ҳам худди котлетлардек қовурилади. Таом устига сариёғ қўйилади, шницель ёки зраза устига томатли ёки қизил сардак қўйилади. Таом кўкатлар билан безатилади, зразалар учун қайла-гречка бўтқаси, мураккаб қайла, картошка пюреси; шницеллар учун – қайнатилган сабзавот ва картошка, томат сардакли сабзавот бўтқа берилади. Гуручли тефтел тайёрлаш учун тайёрланган котлет массасига майин куб шаклида тўғралган пиёз қўшиб аралаштирилади. Массадан ҳар бир порция учун 3-4 тадан қилиб шар шаклида тефтеллар ясалади, устига, томат сардаги қўйилади ва 7-8 минут давомида димлаб пиширилади. Узатишда тефтели ликопчага терилади ва пиширилган сардак қўйилади. Ёнида қайла сифатида гурунч солинади. Котлет массаларига тухум, сабзи, кўк нўхат, кўк пиёз, қайнатилган макаронлардан тайёрланган қийма қўшиб рулетлар пиширилади. Тайёрланган ярим тайёр рулет қолипга терилади, тухум суртилади, урвоқ ва ёғ сепилади ва қовуриш шкафида тоблаб пиширилади. Узатишда рулет бўлакларга (порциясига 1-2 та) бўлинади, устига сардак солинади. Қайла сифатида қайнатилган ёки димланган сабзавотлар, сутли сардакли сабзавотлар қўлланилади.