Гўшт ва гўшт маҳсулотларидан димлаб пиширилган таомлар
Гўшт катта (2 қилограммгача), порцияли ва кичик бўлакларга, калла-поча маҳсулотлари эса порцияли ва кичик бўлакларга бўлиб димланади. Катта бўлакли гўштларга туз, қалампир сепилиб қовурилган қатлам ҳосил бўлгунча қовурилади. Баъзи таомлар учун гўшт саримсоқ ва чўчқа ёғи билан сабзавотлар (сабзи, бош пиёз, кўкатлар) бирга қовурилади ёки ажратиб гўшт бирга димланадиган идишга солинади. Қовурилгандан сўнг катта бўлакли гўшт устига идишнинг ярмигача келадиган сув ёки шўрва қўйилади, порцияли ва кичик бўлаклари эса суюқлик билан тўлдирилади. Сўнгра дориворлар баъзан томат пюреси қўшиб идиш қопқоги ёпилади ва паст оловда димланади. Димлаш давомийлиги йирик бўлакли мол гўшти учун 2-2,5 соат, йирик бўлакли қўй гўшти учун 1-1,5 соат, кичик бўлакли учун 1-1,5соат. Иссиқлик ишлови берилганда оғирлигини йўқотиш 32-40 % ни ташкил этади. Сардакни димланган гўшт учун димлаш натижасида олинган суюқликда тайёрланади ва унга қирғичланган ва эзилтириб пиширилган сабзавот аралаштирилади. Узатишда катта бўлакли гўшт порция учун 1-2 бўлакдан кесилади, қайла солинади ва сардак қўйилади. Димланган гўшт учун қайлани алоҳида ёки гўшт билан бирга тайёрланади. Гўшт билан бирга тайёрланган қайлали таом мазали бўлади. Агар гўшт қайла билан бирга димланса, унда куб шаклида кесилган картошка ва бошқа сабзавотлар олдиндан қовуриб олинади. Гўшт сабзавот ва сардак билан бирга узатилади. Гўшт ва қайла алоҳида тайёрланса гўштга сардак қўйилади, қайла эса ёнида қўйилади. Қайла сифатида қовурилган, қайнатилган картошка, картошка пюреси, қайнатилган макарон ва мураккаб қайлалар ишлатилади. Уриб юмшатилган зраза тайёрлаш учун гўшт бўлаклари юпқа пласт ҳосил бўлгунча уриб юмшатилади. Унинг устига қийма қўйилади, тўғри бурчак шаклида уралиб ип билан боғланади, тузланади, қовурилади ва 1 соат давомида суюқликда димланади. Шундан сўнг эса чиқариб олинади. Шўрвасига қизил сардак тайёрланиб, зразалар устига қўйилади, таъм берувчи маҳсулотлар қўшиб 35-40 минут тайёр бўлгунча димланади. Қийма сифатида қовурилган пиёз, қайнатилган тухум ёки қўзиқорин, янчилган кўкатлар, эзилган урвоқ ишлатилади. Зразаларни бир порцияга 2 тадан қилиб гречка ёрмаси, картошка пюреси, қовурилган картошка ёки пиширилган сабзавотлар билан узатиш мумкин. Гуляш чўчқа ва мол гўштидан тайёрланади. Гўшт бўлаклари (20-30 граммдан) тузланади, қовурилади. Қайнаган шўрва ёки сув қўйилади, томат пюреси аралаштириб, тайёр бўлгунча димланади. Шўрваси тиндирилиб унга қизил сардак тайёрланади. Сўнг сардакга пассерланган пиёз, қалампир, лавр япроги ва туз солинади. Гўшт сардак билан бирга 15-20 минут тайёр бўлгунча димланади. Гуляшни сметана билан ҳам тайёрлаш мумкин. Қайлага қайнатма ёки қовурилган картошка, картошка пюреси, гурунч бўтқаси берилади. Рагу тайёрлаш учун 20-30 гр массали қўй ёки чўчқа гўшти бўлаклари қовурилади. Устига суюқлик қўйилади, томат пюреси аралаштирилиб, 30-40 минут димланади. Сўнг суюқлик ажратилиб, тиндирилади ва унда қизил сардак тайёрланади. Тайёрланган сардакга, куб шаклидаги қовурилган картошка, сабзи, шолгом, пиёз олинади ва 15-20 минут димланади. Рагу сардак ва қайла билан устига кўкат сепиб узатилади. Азу тайёрлашда тайёрланган гўшт қизаргунча қовурилади, унга иссиқ сув ёки шўрва қўйилади, пассерланган пиёз, томат пюреси, помидор аралаштирилиб, тайёр бўлгунча димланади. Сўнг шўрваси олиниб, унга ўзунчоқ шаклдаги тузланган бодринг, янчилган саримсоқ, гўшт қовурилган картошка солиб сардак тайёрланади ва 10-15 минут димланади. Азу қайла ва сардак билан узатилади.
Палов тайёрлаш учун қовурилган қўй гўшти бўлакларига тўғралган пиёз ва сабзи, томат пюреси қўшиб аралаштирилади, иссиқ сув қўйилади ва баланд оловда қайнагунча қайнатилади. Сўнгра унга ювилган гурунч солиниб, суви шимилгунга қадар қайнатилади. Сувини гурунч тортиб олгач идиш қопқоғи ёпилиб, 40-50 минут димлаб пиширилади. Русча буйрак тайёрлаш учун қайнатилган мол буйраги ва хом бўзоқ, қўй, чўчқа буйраклари ўзунчоқ кесилиб қовурилади. Тайёрланган бўлакларга қизил сардак қўйилади, қовурилган сабзавот тузланган бодринг, дориворлар аралаштирилиб димланади. Идишга сардак ва сабзавотлар солиб, кўкат сепиб узатилади. Қайла алоҳида берилади.
Do'stlaringiz bilan baham: |