«МЕҲнат иқтисодиёти» фанидан амалий машғулотлар учун

Ижтимоий шериклик бозор иқтисодиётига хос бўлган ижтимоий меҳнат муносабатларининг алоҳида тури ҳисобланиб, у турли ижтимоий гуруҳлар, бкринчи навбатда иш берувчилар ва ходимлар асосий манфаатлари энг мақбул нисбатини таъминлашга йўналтирилгандир.
Халқаро Меҳнат Ташкилоти томонидан қабул қилинган конвенция ва тавсияномаларда иш берувчилар ва ходимлар вакиллик органлари ўртасида шериклик муносабатларини ривожлантириш бўйича тавсиялар назарда тутилган ҳолда Ўзбекистон Республикаси Меҳнат кодексининг 10-моддасида „Ўзбекистон Республикасининг халқаро шартномасида ёки Халқаро меҳнат ташкилотининг Ўзбекистон томонидан ратификасия қилинган конвенциясида ходимлар учун меҳнат тўғрисидаги қонунлар ёки бошқа норматив ҳужжатларга нисбатан имтиёзлироқ қоидалар белгиланган бўлса, халқаро шартнома ёки конвенсиянинг қоидалари қўлланилади” — деб эътироф этилган. Яъни давлатимиздаги амалдаги қонунчиликка кўра ижтимоий шерикчилик тамойилларини кенгайтириш ва чуқурлаштиришга алоҳида аҳамият берилган.
Ижтимоий шериклик тизимининг қуйидаги хусусиятларини назарда тутиш керак:
Ижтимоий шерикликнинг асосий тамойиллари:

• 
  давлатнинг ижтимоий шерикчиликни демократик асосда мустаҳкамлаш ва ривожлантиришга кўмаклашиши;
  
• 
  музокара иштирокчиларининг манфаатларини ҳурмат қилиш ва ҳисобга олиш;
  
• 
  томонларнинг шартнома муносабатларида иштирок этишларидан манфаатдорлиги;
  
• 
  ижтимоий шериклар ва улар вакилларининг амалдаги қонунлар ва меъёрий ҳужжатларга қатъий амал қилишлари;
  
• 
  томонларнинг тенг ҳуқуқлиги ва ўзаро муносабатларидаги ишонч;
  
• 
  бир-бирларининг ишларига аралашмаслик;
  
• 
  ижтимоий шерикликка тааллуқли масалаларни танлаш ва муҳокама қилиш эркинлиги;
  
• 
  ижтимоий шериклар томонидан ўзаро келишув асосида мажбуриятлар қабул қилишнинг ихтиёрийлиги;
  
• 
  ижтимоий шерикликка тааллуқли масалалар юзасидан мунтазам равишда маслаҳат учрашувлари ва музокаралар ўтказиш;
  
• 
  ижтимоий шериклар томонидан қабул қилинган мажбуриятларнинг бажарилишини амалда таъминлаш;
  
• 
  келишилган аҳдлашувлар ижросининг мажбурийлиги;
  
• 
  ижтимоий шериклик доирасида қабул қилинган битимлар, шартномалар ва қарорлар ижроси устидан доимий назоратни таъминлаш;
  
• 
  томонлар, улар вакиллари, мансабдор шахсларнинг масъуллиги.