«МЕҲнат иқтисодиёти» фанидан амалий машғулотлар учун

Ижтимоий шерикликнинг объекти давлатнинг ижтимоий меҳнат сиёсатининг асосий йўналишларини амалга оширишдир.
Ижтимоий шериклик жамоат шартномалари ва келишувлар, меҳнат шартномалари тизими (17.1- жадвал) орқали амалга оширилади.
17.1-жадвал
Ўзбекистон Республикасида жамоа келишувлари ва меҳнат шартномаси

т.р.	Келишувлар турлари	Келишув тарафлари
1.	Бош келишув	Ўзбекистон Республикаси ҳукумати Ўзбекистон Касаба уюшмаси Федерацияси кенгаши (ёки ходимларнинг бошқа вакиллик органлари).
2.	Тармоқ келишувлари	Ўзбекистон Республикасининг Меҳнат ва аҳолини итимоий муҳофаза қилиш органлари Тегишли касаба уюшмалари (ёки ходимларнинг бошқа вакиллик органлари) Иш берувчилар бирлашмалари
3.	Ҳудудий (минтақавий) келишувлар	Маҳаллий ижро этувчи ҳокимят органлари. Тегишли касаба уюшмалари(ёки ҳодимларнинг бошқа вакиллик органлари)
4.	Жамоа шартномаси	Ходимлар томонидан касаба уюшмалари ёки ўзлари ваколат берган бошқа вакиллик органлари. Иш берувчи ёки у ваколат берган вакиллар.

Бош келишув. У ушбу жамоа келишувини имзолаган субъектлар томонидан иқтисодий сиёсатни амалга ошириш умумий тамойилларини белгилайди. Ўзбекистон Республикасининг Меҳнат кодексига мувофиқ Бош келишув Ўзбекистон Касаба уюшмалари Федерацияси кенгаши (ходимларнинг бошқа вакиллик органлари) ва иш берувчиларнинг республика миқёсидаги бирлашмалари ўртасида, томонларнинг таклифига кўра эса Ўзбекистон Республикаси ҳукумати билан ҳам тузилади (48-модда). Бош келишувда одатда, ижтимоий-иқтисодий сиёсатнинг мазкур даврдаги умумий тамойиллари, ходимлар ва иш берувчилар манфаатлари ўз ифодасини топади. Уларда шунингдек, меҳнат муносабатларини, шу жумладан, меҳнатга ҳақтўлашни, ижтимоий-иқтисодий кафолатларни мувофиқлаштириш тамойиллари кўзда тутилади.