Mehnat muhofazasi va ekologiya

220-modda. Nogironlar mehnatini muhofaza qilishning qo’shimcha choralari.
Ish beruvchi belgilangan kvota hisobidagi ish joylariga ishga joylashtirish tartibida maxalliy mehnat organi tomonidan yo’llangan nogironlarni ishga qabul qilishi shart.
TMEK (Tibbiy mehnat ekspert komissiyasi)ning nogironlarga to’liqsiz ish vaqti rejimi o’rnatish, ularni vazifasini kamaytirish va mehnatning boshqa shartlari haqidagi tavsiyalarini bajarish ish beruvchi uchun majburiydir.
I va II guruh nogironlariga mehnatga haq to’lash kamaytirilmagan holda ish vaqtining haftasiga 36 soatdan oshmaydigan qisqartirilgan muddati belgilanadi.
I va II guruh nogironlariga 30 kalendar kundan kam bo’lmagan muddat bilan yillik uzaytirilgan asosiy ta’til beriladi.
Nogironlarni tungi vaqtdagi ishlariga, shuningdek ish vaqtidan tashqari ishlarga, dam olish kunlaridagi ishlariga jalb qilishga ularning roziligi bilangina, mabodo ular uchun bunday ishlar tibbiiy tavsiyalarda ta’qiqlanmagan bo’lsa, yo’l qo’yiladi.
221-modda. Xodimlarga dastlabki tibbiiy yordam ko’rsatish va ularni davolash – sog’lomlashtirish muassasalariga olib borish.
Ish beruvchi ish o’rnida kasal bo’lib qolgan xodimlariga dastlabki tibbiiy yordam ko’rsatishga qaratilgan choralar ko’rishi shart.
Ish joyida og’rib qolgan xodimlarni davolash – sog’lomlashtirish muassasalariga olib borish, zarur hollarda, ish beruvchining xisobidan amalga oshiriladi.
222-modda. Ishlab chiqarishdagi baxtsiz xodisalarni hisobga olib borish va tekshirish.
Ish beruvchi ishlab chiqarishdagi baxtsiz xodisalarni o’z vaqtida tekshirish va hisobga olib borishi shart.
Jabrlanuvchining talabiga binoan tekshiruv tugagan kundan e’tiboran uzog’i bilan 3 kun ichida ish beruvchi shu baxtsiz xodisa to’g’risida dalolatnoma berishi shart.
223-modda. Mehnatni muhofaza qilishning holati ustidan nazorat qilish va tekshiruv o’tkazish.
Mehnatni muhofaza qilishning holati ustidan davlat nazorati va tekshiruvini davlat organlari amalga oshiradilar.
Mehnatni muhofaza qilishning me’yor va qoidalariga rioya etilishi ustidan jamoat tekshiruvini kasaba uyushmalari va xodimlarning boshqa vakillik organlari amalga oshiradilar.
2. O’zbekiston Respublikasining “Mehnatni muhofaza qilish to’g’risida”gi Qonun. O’zbekiston Respublikasining yangi qonunlari. 1993 yil, 8-son.