Mehnat muhofazasi va ekologiya

TARQATMA MATERIALLAR

Vaziyatli masalalar.
1-masala.
To’quvchilik fabrikasi oxorlash tsexi operatori Kamolov tsexda havo harorati va namligi odatdan yuqori ekanligini, bu hol salomatlikka havf tug’dirishi mumkinligini aytib ishni boshlashdan bosh tortdi.
Ish beruvchi Kamolov harakatini mehnat intizomini buzish deb baholadi va unga nisbatan intizomiy jazo qo’lladi.
Kamolov ushbu masala xususida mehnat nizosini qo’zg’adi va jazoni bekor qilishni talab qildi.

• 
  Kamolovning harakatiga baho bering.
  
• 
  Ish beruvchining jazo qo’llashi to’g’rimi?
  

2-masala.
Yigiruv fabrikasi changli havoni tozalash uskunasini tozalashda ishchi Ibrohimov ishlashda halaqit berayapti deb, gazniqobni yechib tashladi va ishlashda davom etdi. Ish beruvchi vakili mehnat muhofazasi bo’limi muxandisi Sobirov ushbu harakat uchun Ibrohimovni ishdan chetlashtirdi va unga intizomiy jazo qo’llashni talab qildi.

• 
  Ibrohimovning harakati qonun talablariga to’g’ri keladimi?
  
• 
  Mehnat muhofazasi bo’limi muhandisining talabi qonuniymi?
  

3-masala.
Korxonada yuz bergan baxtsiz hodisa tufayli Salomov tan jaroxati oldi va mehnat qobiliyatini uzoq muddatga yo’qotdi.
Salomov korxona ish beruvchisiga yuz bergan baxtsiz xodisa haqidagi dalolatnoma nusxasini berilishini talab qildi. Ammo ish beruvchi baxtsiz hodisa yuz berishiga Salomovning o’zi tomonidan yo’l qo’yilgan extiyotsizlik sabab bo’lganini va bunday hollarda dalolatnoma tuzilmasligini aytdi.

• 
  Vaziyatga huquqiy baho bering.
  
• 
  Ish beruvchi haqmi?
  

4-masala.
18 yoshga to’lmagan ishchi Mahkamov tungi smenaga ishga chiqishdan bosh tortdi. Ish beruvchi korxonada vaziyat yomon, muhim vazifani bajarish orqaga surilayotganini, tungi smenaga ishga chiqqanlarga 1,5 baravar ish haqi berilishini aytib, iltimos qildi. Ishdan bosh tortgan xodimlar jazolanishi mumkinligini ta’kidladi.
- Vaziyatga huquqiy baho bering.
- Mahkamov haqmi?
5-masala.
Poyavzal fabrikasi oshxonasiga ishga kirayotgan Vohidov sog’lig’i yaxshi, hech qanday shikoyati yo’qligini aytib tibbiiy ko’rikdan o’tishdan bosh tortdi. Ish beruvchi uni ishga qo’ymadi.
- Vaziyatga huquqiy baho bering.
- Ish beruvchi haqmi?
ILOVA