Mehnat muhofazasi va ekologiya

215-modda.
Mehnatni muhofaza qilish bo‘yicha yo‘l-yo‘riqlar berish va 
o‘tkazish. 
Xodimlar texnika havfsizligi, ishlab chiqarish sanitariyasi, yong‘in chiqishidan 
saqlanish va mehnatni muhofaza qilishning boshqa qoidalari haqida yo‘l-yo‘riqlar 
berish hamda xodimlar tomonidan mehnatni muhofaza qilishning hamma talablariga 
rioya etishini doimiy ravishda tekshirib borish vazifasi ish beruvchi zimmasiga 
yuklatiladi.
Ish beruvchi xodimlarning mehnatni muhofaza qilish bo‘yicha o‘qishlarini 
ta‘minlashi va ularning bilimlarini tekshirib turishi shart. 
Mehnatni muhofaza qilish bo‘yicha o‘quvdan, yo‘riqnomadan o‘tmagan va 
bilimlari tekshirilmagan hodimlarni ishga qo‘yish taqiqlanadi. 
216-modda. 
Mehnatni muhofaza qilish tadbirlariga ajratiladigan mablag‘lar. 
Mehnatni muhofaza qilish tadbirlarini o‘tkazish uchun bajarilgan tartibda 
mablag‘lar va zarur materiallar ajratiladi. Bu mablag‘ va materiallarni boshqa 
maqsadlarda sarflash man etiladi. Mazkur mablag‘ va materiallardan foydalanish 
tartibi jamoa shartnomasida, agar u tuzilmagan bo‘lsa, ish beruvchi va kasaba 
uyushmasi qo‘mitasi yoki xodimlarning boshqa vakillik organi o‘rtasidagi kelishuvga 
binoan belgilanadi.
Mehnat jamoalari, ularning vakillik organlari mehnatni muhofaza qilishga 
mo‘ljallangan mablag‘larda foydalanishni tekshirib boradilar.
217-modda. 
Xodimlarni sut, davolash-sog‘lomlashtirish oziq- ovqatlari, gazli 
sho‘r suv, shaxsiy himoya va gigiena vositalari bilan ta‘minlash. 
Mehnat sharoiti noqulay ishlarda band bo‘lgan xodimlar belgilangan me‘yorlar 
bo‘yicha: 
- sut (unga tenglashtirilgan boshqa oziq – ovqat maxsulotlari); 
- davolash – sog‘lomlashtirish oziq – ovqatlari; 
- gazli sho‘r suv (issiq sexlarda ishlovchilar uchun); 
- maxsus kiyim – bosh kiyimi, maxsus poyavzal – boshqa shaxsiy himoya va 
gigiena vositalari bilan bepul ta‘minlanadilar. 

---

139 
Bunda ishlarning ro‘yxati, beriladigan narsalarning me‘yorlari, ta‘minot tartibi 
va shartlari jamoa kelishuvlarida, jamoa shartnomalarida, agar ular tuzilmagan bo‘lsa, 
ish beruvchi tomonidan xodimlarning vakillik organi bilan kelishib belgilanadi.