Mehmonxonalarda kasbiy etika” fani bo’yicha o’quv-uslubiy majmua Ma`ruza mashg`ulotlari 1-mavzu. «Mehmonxonalarda kasbiy etika»

SIZ QANDAY RAHBARSIZ?
O`zgalar ustidan hukmronlik qilishni istamaydigan odam bo`lmasa kerak
Bunday intilish hammaning qonida bor. Ammo rahbarlik san‘atini sanoqlilargina
uddalay olishadi. Chunki rahbarlik beradigan imtiyoz qator qurbonlar, doimiy
xavotir va asabiy taranglik evaziga keladi. Siz rahbarsiz ham deyliq Ammo qanday
rahbarsiz? Balki xodimlarni o`z holiga qo`ymaydigan injiq yoki barcha ishni o`z
zimmangizga olib, ularni taltaytirib yuborgan «superdemokrat»dirsiz.
Quyidagilarni o`qib o`z amaliy tajribangiz bilan solishtiring va har qanday
vaziyatdan yutuq bilan chiqib ketishni o`rganing.
1-vaziyat.
Siz hamma ishni o`zingiz nazorat qilib turishga intilasiz. Aks holda
xodimlar ishning pachavasini chiqaradiganday tuyulaverali. Dam olishga
umuman vaqtingiz yo`q. Nima qilish kerak?
Hal qiluvchi o`rinlarga ishonchingizni qozongan malakali mutaxassislarni
qo`ying. SHunda har bir ishchini shaxsan nazorat qilishga hojat qolmaydi.
Tayinlagan xodimlaringizdan batafsil hisobot olib turasiz. Agar administrator nazoratchi vazifasini bajaruvchi bitta ijrochi direktor va marketing bo`yicha ikki
direktor (biri nazariyotchi, ikkinchisi u tuzgan rejalarni amalga oshiradi) ishga
olsangiz, nur ustiga nur bo`lardi. Bunday imkonga ega bo`lmasangiz, universal
mutaxassislarni izlang. Ammo topishingiz oson kechmaydi: ularning bozori
chaqqon. Negaki, himmat behikmat bo`lmaydi. Ularda jur‘at va extiyotkorlik,
mantiqiy mushohada va kutilmagan qaror, tahliliy fikrlash va intuitsiya kabi birbiriga
zid sifatlar jamlangan bo`ladi. Bunday mutaxassisni topa olsangiz, uni
«qat‘iy ko`rsatmaga binoan» - jamoa rivoji yo`nalishini belgilash, biznes-reja
tuzish , qo`shimcha bo`limlar ochish, yangi loyixalarni amalga oshirishda ayamay
qo`llang. Ish jarayonida barcha bilimiyu malakasini «suvday siqib iching». Ammo
universal mutaxassisning yangi jamoaga kirishib ketishi boshka xodimlardan ko`ra
qiyinroq va uzoqroq kechishini yodda tuting. «Gul istagan tikaniga chidaydi»,
jamoaga o`rganish ikki oydan olti oygacha cho`zilishi mumkin.