Mdh tuproqlari. Tayga-o’rmon zonasi va o’rmon-dasht zonasining qora tuproqlari

Podzol tuproqlar tuzilishi.
Podzol gorizontining yalpi kimyoviy tarkibi uchun kremnezyomning ko’pligi va turli oksidlar bilan kambag’allashuvi xarakterli. Jumladan ona jinslarda SiO2 70-80 foiz bo’lgan holda bu tuproqning yuqori qatlamlarida esa 87-88 foizni tashkil etadi.
Podzol tuproqlarda gumus kam (1-4 foiz) bo’lib, Ularda o’simliklar uchun zarur oziq moddalar (N,P,K), miqdori ham juda kam. Podzol tuproqlar noqulay fizik-kimyoviy xossalarga ega. A1A2 gorizontlari kuchli kislotali reaksiyaga ega, (pH 4,0-4,8).
Almashinuvchi kislotalilik asosan alyuminiy ta’sirida yuzaga keladi. Tuproqning yuqori gorizontlarida singdirish sig’imi past (100 g tuproqda 8 – 11 mg. ekv). Tuproq asoslar bilan to’yinmagan.
Podzol tuproqlarda struktura yaxshi ifodalanmagan. Bu tuproqlarning salbiy xususiyatlarini yaxshilash uchun yerni ohaklash va o’g’itlardan samarali foydalanish hamda almashlab ekishni to’g’ri yo’lga qo’yish kerak.
Podzol tuproqlar podzollanish darajasiga ko’ra oz podzollashgan, o’rtacha podzollashgan, kuchli podzollashgan turlarga bo’linadi.
Podzollanish belgilarining chuqurligiga (A0 gorizontining pastki qatlamidan boshlab hisoblaganda) yuza podzollashgan-5 sm gacha; yupqa podzolli-20 sm gacha; chuqur bo’lmagan podzolli-30 sm gacha; chuqur podzolli-30 sm dan ko’p, tuproqlarga ajratiladi.
A1 gorizontining gumus miqdori (chimli-podzol tuproqlar uchun)ga asosan: kam gumusli, o’rtacha gumusli, sergumusli.