Мазкур ўқув-услубий мажмуа Халқ таълими вазирлигининг 2018 йил даги

Чиниқтириш ва соғломлаштириш ишларини ташкил этиш.
Эрталабки бадантарбия. Бадантарбияни очиқ ҳавода, енгил кийимда, ҳаракатларни намунага мувофиқ аниқ, изчил бажариш. Болани 45 дақиқа давомида ўйин характеридаги машқларни бажаришга одатлантириш. Тарбиячига тақлид қилиб биргаликда ҳаракат қилиш кўникмасини ўстириш, ҳаракатли ўйинларда иштирок этишга ҳамда ўйин топшириқларини бажаришга ўргатиб бориш. Ҳар куни ўтказиладиган бадантарбияни сув муолажалари билан тугаллаш (катталар кўмагида).
Чиниқтириш. Ҳаво, қуёш, сувдан фойдаланган ҳолда чиниқтириш тадбирларини амалга ошириш. Қуёшда чиниқтириш асосан эрталабки сайр вақтида боланинг турли фаолиятлари жараёнида ўтказилади. Қуёшда кун давомида 5 дақиқадан то 10 дақиқагача бўлишлари мумкин.
Болани юз қўлларини мустақил ювишга одатлантиришда давом этиш. Сувни сачратмаслик, совундан тўғри фойдаланиш, баданини хўл сочиқда артиш, ёз ойларида очиқ ҳавода иложи борича кўпроқ бўлиш, чўмилишга, душдан фойдаланишга ўргатиш. Очиқ сув ҳавзаси (бассейнда)да чўмилиш (гигиена талабларига амал қилган ҳолда). Чўмилиш давомийлиги 5-10 дақиқа. Чўмилиш эрталабки сайрдан сўнг тушликдан олдин ўтказилади.
4-5 ёшли болаларнинг ривожланиш хусусиятлари
4-5 ёшли болаларнинг жисмоний ривожланиш хусусиятлари:бола тўрт ёшга етгач, унинг жисмоний ўсиши бир мунча жадаллашади, бўйи 100-110 см. атрофида, оғирлиги 20-22 кг. гача бўлади. Бу даврда боланинг мияси тез ривожланади. Катта ярим шарлар пўстлоғининг фаолияти такомиллашиб боради. Боладаги асосий ҳаракатларнинг ривожланишида жиддий сифат ўзгаришлар содир бўлади,уларни бажаришда табиийлик ортиб боради, қиёслаш кўникмаси шаклланади; нутқи равонлашади, хотираси анча теран бўлиб, мустақил фикрлаш даражаси бир қадар ривожланган бўлади. Барча ҳаракат вафаолиятларни мустақил бажаришга интилади, қизиқувчанлиги ошади ва ҳар қандай тадбирга бажону дил қатнашади. Бу даврда ҳам кун тартибига риоя қилиш, болани тўғри овқатлантириш, ўз вақтида ухлатиш, саломатлигини муҳофаза қилиш, руҳий ҳолатини назорат қилиб бориш,қувноқ кайфиятда бўлишини таъминлаш муҳим аҳамиятга эга. Бола билан олиб бориладиган машғулотларнинг мазмунини худди мана шунга йўналтириш мақсадга мувофиқ.
Болани жисмоний тарбия ва спортга қизиқишини оширишда ҳамда жисмонан чиниқтиришда қуйидагиларга эътиборли бўлиш талаб этилади: турли ҳаракатли қувноқ халқ ўйинларини ўйнаш; чиниқтириш муолажаларини мунтазам ўтказиб туриш, эркин ҳаракат қилиш малакалари шаклланиши учун гуруҳларда шароит яратиш; болага жисмоний машқларнинг муҳимлигини таъкидлаш ва мустақил бажаришга ундаш; ёпиқ ва очиқ майдонларда ўтказиладиган турли спорт ўйинларига жалб этиш; югуриш, мувозанат сақлаш, икки оёқлаб баландга сакраш, тўсиқларни енгиб ўтиш бўйича мусобақаларни ташкиллаштириш; коптокни бирор тўсиқ устидан бошқа болага ирғитиш ва ушлаб олиш элементлари бор бўлган ўйинларни ўйнатиш; жисмоний машқларни ўз вақтида ўтказиш учун доимо вақт ажратиш; бола билан бирга шерик сифатида ёки бир жамоа аъзоси сифатида спорт ўйинлари ўйнаш, мусобақа ва ўйинларда турли нарсалар, ўйинчоқлар билан ҳаракатланишларни уюштириш, мусиқа садоларига мос тарзда ҳаракатланишини рағбатлантириш.
Боланинг ўйинларни мустақил равишда ташкил этишига имкон бериш. Жисмоний тарбия машғулотларида ҳамда дам олиш дақиқаларидаги ўйинларга эркин қўшилишга одатлантириш. Чанада учиш ҳаракат малакаларини такомиллаштириш.