Мазкур ўқув услубий мажмуа фаннинг ишчи ўқув дастури ва ишчи ўқув режасига мувофиқ ишлаб чиқилди

Уланиш занжирларига мувофиқ кўп каскадли кучайтиргичлар қуйидаги турларга ажратилади:
- гальваник (бевосита) уланишли кучайтиргичлар – ҳам ўзгарувчан, ҳам ўзгармас сигналларни каскадлараро узатиш имконини беради;
- RC – уланишли кучайтиргичлар – илгариги каскад чиқишини кейинги каскад кириши билан резистор-сиғимли занжир орқали боғлаш;
- индуктив (трансформаторли) уланишли кучайтиргичлар- каскадлар орасига трансформатор улаш.
Интеграл кўринишда яратилган кучайтиргич қурилмаларда фақат гальваник уланишдан фойдаланилади.
Кучайтиргичда сигналлар бузилиши. Кучайтиргичда сигнал кучайтирилиши билан шакли ўзгармаслиги керак. Чиқиш сигнали шаклининг кириш сигнали шаклидан фарқланиши сигнал бузилиши деб аталади. Бузилишлар икки хил бўлади: чизиқли ва ночи-зиқли.
Чизиқли бузилишлар транзистор ва кучайтиргич қурилма бошқа элементлари параметрларининг частотага боғлиқлиги сабабли юзага келади. Электр сигналлар турли частотага эга бўлиши мумкинлиги сабабли, кучайтириш коэффициентлари частота ўзгариши билан қандай ўзгаришини билиш муҳим. Кучайтиргичнинг амплитуда-частота характеристикаси (АЧХ) деб, К_U нинг кучланиш бўйича кучайтирилаётган сигнал частотасига боғлиқлигига аталади. АЧХ ёрдамида (11.4-расм), кучайтиргич ишлайдиган частоталар диапазонининг паст ва юқори частоталарида частота бузилиш коэффициентлари М_П ва М_Ю ни аниқлаш мумкин:
; ,
бу ерда, К_U0 – номинал кучайтириш коэффициенти, яъни К_U ўзгар-мас бўлган частоталар оралиғидаги кучайтириш коэффициенти.
Кучайтиргичга қўйиладиган талабларга мос равишда М_П ва М_Ю қийматлари 1,4 дан 3÷5 гача олинади. Агар М_П ва М_Ю қийматлари берилмаган бўлса, М_П=М_Ю= =1,4 (агар кучайтириш коэффициенти децибелларда ифодаланса, кучайтириш 3 дБга паса-йишини англатади) бўлади.